Fia maua se galuega

By Ilia L. Likou 16 February 2018, 12:00AM

Na fa’ailoa e le tinā i a Vi’i To’o o le taimi lenei o lo’o sologa lelei mea uma mo lo latou aiga.

“E pau le tulaga o lo’o ua matua’i mana’omia le taimi lenei o se galuega mo si o’u to’alua aua le  tausia ai o si o matou aiga,” o lana  saunoaga mai lea.

“Ia o le olaga lava ia e fa’apena lava, e i ai lava taimi ua lelei o taimi foi ua le lelei.

“O si o matou aiga o lo’o saogalemu mea uma e o’o lava i le vai ma le eletise.

“O se itu taua tele lea mo le aga’i atu ai le lumanai aemaise o mea fai uma mai lea taimi i le taimi.

‘Aemaise o lea fa’atoa uma atu le afā, na fa’apea ai nei a tuai mai ae lea vaai atu ia o lo’o ua vave mai le toe fa’aleleia mai o lea auaunaga mo le tele o le atunu’u , ma o se itu lea e fa’afetaia ai nei auaunaga taua.

Na ia fa’ailoa o lona to’alua na faigaluega muamua.

“E lelei lana kamuta ma lana fau meaafale ma o se tagata e galue malosi foi.

“Ae o le taimi lava lenei o lo’o ua matua’i mana’omia ai lava se fesoasoani mo si o matou aiga i le taimi lenei.

“Ua o tatou iloa uma lava le faigata o nei aso pe a leai se isi e faigaluega e mafai ona maua mai ai se tupe mo le aiga.

“E pei o lea lava le mafuaaga ua tu’uina atu ai lava lenei talosaga, aua a leai se tupe ia e leiloa pe a fa’afefea ona fai le soifuaga nei.

“O le itu lava e ao ona fa’ailoa muamua o le taumafai lea fa’atino vaega uma aua le sologa lelei ai o mea uma mo le aiga.

‘Ia o lea foi fatoa uma atu le afa, ia o le agaga lava lea o le tele o nai o tatou aiga.

“O se tupe e mafai ona fesoasoani ai mo aiga aemaise o mea fai mai lea taimi i lea taimi.

“O le itu mautinoa o le taumafai  lava e una’i vaega uma aua le sologa lelei o aiga ma fanau mo se lumanai manuia.

Afai e fia fesoaasoani mo se galuega a le tamā o le aiga, fa’amolemole fa’afeso’ota’i le 751 0424.

By Ilia L. Likou 16 February 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>