Manatu o le Fa’atonu - O mea fe’ilafi uma e le o ni auro ia

Fe
By Faaliliu e Seagaitumua Tupuola, 24 July 2016

O mea fe’ilafi uma e le o ni auro ia.* O lea faaupuga e mai le tala a William Shakespeare, O le Faioloa o Venise-ua toe o’o mai i le mafaufau pe a outou silasila i le aganuu lauiloa o le tele o mea faigaluega ma telefoni feavea’i ia o loo faaauau pea ona teu i o tatou foliga i aso nei.

I aso ia ua leva, o Samoa lea o loo mamao ese sa mafai ona sola ese mai le faavalevalea. Sa tatou felelei atu i Niu Sila, Fiti, Ausetalia pe o isi lava nofoaga se iloa pe o le a le pogai o lea vevesi. I lea taimi, sa e fiafia ona o le mafai ona toe fo’i mai i Samoa lea e na o le tasi lava le mea e foliga i se masini uiga ese o le Televise mai fafo-pe afai e i ai sau Televise.  

Ae ua le toe faapena.

I aso nei, ona pau lava le mea e te faia-o le ki o lau Televise e 49 inisi le lautele poo le tilotilo ia outou nusipepa ina ia iloa ai ua matua tele le suiga o tatou olaga. O loo i ai le anoano o faalauiloa e uiga i masini aupito fou uiga ese ma lo latou tulaga ese mai telefoni, komepiuta, masini Televise, mea a le aiga ma le anoano o isi mea. 

Ti’eti’e i nuu i tua o le atunuu  i lau taavale ona e iloa ai lea e le mafai ona e matua sola ese ai. O laupapa o faasalalauga o loo i ai ina ne’i galo i fale uaealesi ona faamanatu atu ia te outou lea asoaso. Ua faatu e kamuapani o telefoni feavea’i ni nofoaga i fafo o nisi faleoloa; ma e le mafai ona e misia.

E tusa ai ma telefoni fe’avea’i, o se malaga i le supamaketi e le o toe saogalemu..I totonu o lenei atunuu i aso nei, ua toetoe lava tofu tagata uma ma telefoni fe’avea’i. E o’o lava i tagata o loo faatauina atu oloa i luga o ala tetele-e faalialia i nisi o telefoni aupito i mananaia i totonu o le taulaga. 

Ua faamanatu mai ai ia i tatou e faapea i se taimi ua mavae atu-ina ua tonu i le Malo e faaulufale mai le tauvaga i totonu o le maketi tau telefoni feavea’i, sa faasoa mai ai e le Palemia o Tuilaepa Sailelei lana vaaiga.  Na ia faailoa mai le tala i le pogai na ia manaomia ai le tama e ‘a’e i luga o le  niu ina ia mafai ai ona valaau i lona tama matua- ma fesili ia te ia pe o le fea niu e mana’o e avatu. Ua sili mamao atu lea tulaga i le mea e gata ai mea e mafai ona toe fai i totonu o Samoa. E le o se mea e ese ai ona iloa e faapea i totonu lava o le tele o aiga i totonu o lenei atunuu, o tagata matutua e i ai a latou telefoni feavea’i. O nisi tagata ua lua pe sili atu-e faalagolago lava pe o le a le tele o taimi latou te manaomia ai le sui o telefoni i le faagasologa o le vaiaso. 

Masalo o le isi vaega o lea vaaia o le mafai lea ona maua se niu inu e ala i le oomi o le ki o le telefoni feavea’i. O ai na te iloa? 

ADVERTISEMENT

A tatou mafaufau i ai. o le mafai ona maua ma le avanoa i telefoni fe’avea’i e uiga ese pe a e faatali e mafaufau i le fua faatatau o tupe maua lea e matua uiga ese le maulalo mo tulaga faava-o-malo.

Tatou te le iloa le aofa’i tonu o tagata e i ai a latou telefoni feavea’i i totonu o lenei atunuu ae o la matou mate e tusa ma le 100,000. Mafaufau la pe a faaalu e tagata uma lava se $5 mo le pepa o le telefoni mo se aso- matou te iloa isi tagata e tele tupe latou te faaaluina. O lona uiga- e $500,000 mo le kamupani telefoni fe’avea’i i le aso. E toetoe lava $200 miliona i le tausaga mo telefoni feavea’i, ma o se matua tupe tele lea. Ia manatua –tatou te le o auai i le tau o telefoni..Ae o lo tatou fiafia ua te’a mamao atu ma telefoni talu ai nei. O lea matou te talanoa atu e uiga ii a masini faatasi ai ma G uma lava ma soo se mea o ia te oe –ia ua sui ai le ala o loo tatou soifua ai. O le Tekonolosi o se mea lelei. Ia ‘aua nei outou masalo i lea tulaga. Ua latou matua faafaigofieina o tatou olaga. O ai na manatu o se aso o le a mafai ai ona siaki au imeli ma fai lau galuega mail au iPad?  E faapefea le pu’eina o ata ma video i luga o ia iPads. O le fesili la; o ni mea aoga ia mea? Tatou te manaomia moni ia mea? 

O le mea moni e faapea o loo tatou soifua i totonu o se lalolagi saoasaoa-lea o loo fua ai le tulaga faamanuiaina i le mafai e se tasi ona o faatasi ma ia mea. O le le mafai ona o faatasi e ono mafai ona faauigaina ua le mafai ona faagaoioi i se tulaga lelei i totonu o se lalolagi o loo tumu saisai i lu’itau, ma mea le mautinoa.  E mafai lava ona tula’i mai e faapea o se tulaga le mafai ona faatino, e matua lava lea e ta’ita’ia ai le toatele i le mea sese.  

O le fetuleni mai o tekonolosi lauiloa e le o se mataupu lea e faapito i totonu o lo tatou atunuu. O le a outou maua e faapea o atunuu uma lava o le lalolagi o loo tauivi ma lea lava mataupu. O loo tupu i Asia, Sasa’e Tutotonu, Amerika, Europa, Aferika ma atunuu uma lava. O le eseesega i le va o atunuu o le latou tali lea i le mataupu. I totonu o malo ua ati ae mo se faataitaiga, o le aoaoina na te faatinoina lea matafaioi taua tau le atiina a’e o faiga e sili ona lelei tau le faaaogaina o nei mea faigaluega. 

O le itu e tatau ona tatou faamanatu ia i tatou lava e faapea i le soifuaga nei, e tumau pea ona i ai mea lelei ma mea e le lelei. O una’iga faa-tekonolosi e le o se mea lea e ese ai. E ui ina latou faafaigofieina nisi mea, ae latou te faaulufale mai se vaega fou o mea tiga ma faafitauli.. O lona uiga-e tatau ona tatou faifai malie ma le faaeteete.  O le faafitauli mo le toatele o i tatou e faapea e le’i aoaoina i tatou pe faapefea ona afaina o tatou ola i nei mea faigaluega. Ua na o le faavalea o tatou  e vaai i le mea uiga ese.

E le’i tuuina mai ia i tatou le isi itu o le tala.  E le’i faailoa maia ia i tatou le faatama’ia o mea faatauaina, le faatama’ia o sootaga ia e mou atu i le po ma le lua e le gata o le a faaauau pea ona to’ulu i ai a tatou tupe o le afu. Ua tatau ona noatia se Tasi ona o lenei mea.  Aisea? Ua tatou vaaia faafitauli lautele i totonu o lenei atunuu ma afai e leai se mea e faia i ai, e na o le faateteleina. O tulaga auiluma tau Tekonolosi ua fai e una’ia ai le faaauau pea ona mana’omia e le tagata o se suiga. E faavae i luma o le manatu e faapea o le suiga o le a faaleleia ai mea. O se mea e faasino i le faaalualuŏ ma manuia o le lalolagi nei. O se mea e uiga i le loto e le faamalieina i mea ua e maua-o se ala lea e matua faanoanoa ai pe a soifua ai. 

Tatou faatali mo sina minute ma faafetaia mea ua tatou maua. Afai e te maulola ma mafai ona e gafatia masini fou uma, o lona uiga la-poo le a lava-‘amuia oe. Ae o tagata ia latou te le gafatia, ia tatou faafetaia mea ua tatou maua. Afai e leai sau Televise mafolafola, ‘aua e te ita fua i lou uso e i ai lana Televise faapena. Fiafia ua i ai lau TV. E faapena se faaupuga mo telefoni feavea’i ma isi mea uma lava. Ia manatua, o mea uma lava e fe’ilafi-e le o ni auro ia. O upu ia o le poto e tatau i tagata uma o loo soifua i nei aso ma le taimi ona faaalu sina taimi e matua maufau loloto i ai. Ia outou maua Samo se Aso Sa to’afilemu. Ma taumafai e tuu ese lena telefoni ae talanoa i lou aiga.Ia faamanuia atu le Atua!

 

*O nai vaega ma motuga’afa mai le manatu o le Faatonu o le Samoa Observer na lomia faasalalau i le aso 23 o Oketopa 2012.


Fe
By Faaliliu e Seagaitumua Tupuola, 24 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?