O LE MAU A PULE-THE MAU MOVEMENT-1926-1946

28 June 2016

Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer

Na tusi Forbes ia Nelesoni ma fai atu i ai o le a faafetaia e le Malo se faaiuga mai ia te ia-e amata mea  i le faatinoina o tiute masani tau sitiseni e aunoa ma le tau una’ia.”

Ae ui o lea-e ao ia te a’u ona ‘ou faailoa atu ma le manino e faapea- e tusa ai ma le mataupu tau le soli o le tulafono poo se isi lava taumafaiga tau faiga tete’e i totonu a le teritori, o le a le faatali le Pulega ma le Malo i le fai o laasaga e ono tatau ai-e faatumauina ai le tulaga to’afilemu o loo i ai nei-atoa ai ma le tulaga lelei i totonu o le teritori.

O lea tusi- sa le taitai ona  popole i ai Nelesoni-talu ai-e tusa ai ma fuafuaga mautu tau tulafono ma lona faatinoina-sa faigofie lava ona soli ai le tulafono-ma o lea na faafe’iloa’i atu ai o ia i se faipule o le Palemene a Aukilani-o ia lea na ia faia se fuafuaga mo se fono i Ueligitone ma Forbes ma Berendsen. Sa faamanatu atu e Nelesoni ia Forbes- le mea na tupu ina ua toe taliu atu Smyth-ma na tapā ai aiaiga o lona toe fo’i atu-ae sa matua faigata tele:”e le o’o lo’u paoa e taofi ai soo se tasi e leai sona pemita e sau ai i Apia ma te feiloa’i.

O a’u o le Samoa, na ‘ou fanau ai, o loo i ai fo’i lo’u aiga, ma o’u tagata, ma a’u uo ma la’u pisinisi. E le mafai ona ‘ou taofia tagata pe a manana’o matou te feiloa’i-ma mai le avea ma tagata solitulafono-tusa lava pe ou te mana’o i ai pe leai.Sa alofa Forbes ma loto fesoasoani ia Nelesoni. “Sa ‘ou nofo ai iina mo le toetoe lava fa tausaga ma faitau le Samoan Guardian. E le o faaalia ai iina soo se ituaiga lelei o faiga-uo; poo se taumafaiga ina ia malamalama i lo matou manatu.

O taimi uma lava e faasaga tau ai i le Malo ma sina mea tau faiga sese. Fai mai Nelesoni -ua le mafai ona onosa’ia le le talia o ia tulafono i totonu o Niu Sila- ae aumai faaaoga i totonu o Samoa.”

E le faigofie ona una’i tagata o Niu Sila e pei o tagata o lo matou atunuu moni,”o le tali lea a Forbes. “E tatau ona outou faamasinoina tulafono e tusa ai ma lo latou tulaga talafeagai ma le aoga.”Sa faaauau pea ona musuā Forbes  i le faagasologa o le fono, ma na faaalia manino ai le tete’e o Nelesoni.

ADVERTISEMENT

A’o tuua e Nelesoni le fono-sa na fesiligia Forbes pe mafai ona ia faa-avanoa atu ni tusitusiga i le lima puupuu(shorthand) na faamaumauina ai taualumaga o le fono, ae sa teena e Forbes. Ina ua pa le tala e uiga i le amio a Forbes, e o’o lava ia i latou na tete’e i le Mau-na latou lagona- na ia faaalia se uiga o le loto ma’a’ā.

O se tasi o uiga faapena o le nusipepa e lomia i Sini o le Pacific Islands Monthly lea na amata ona manatunatu- pe le o le uiga o Niu Sila ua mafua ai ona faaauau pea le Mau. Mo se fuafuaga lelei, na ta’ua ai foi e faapea na una’ia Nelesoni ona o le inoino ia Niu Sila, ma ua tusia ai se tali e le manino mai ia Nelesoni: “E le o pulea a’u e le inoino ia Niu Sila-ma e leai lava se mea faapena.

Ina ua mavae le lima tausaga o lona faa-aunuua iinei-ua ‘ou maua ni mea se tele- ou te fiafia ma ofo ai i totonu o le aunuu, ma maua se sootaga faale-uo ma Samoa-lea ou te matua faaaloalo tele i ai.

Ae peitai-ou te matua inoino lava i le agaleaga, sauaina ma le pagatia o o’u tagata ma o’u sootaga tau toto i Samoa-ma ua matua faatumulia ai a’u i le inoino ia i latou na mafua ai. O Tapenaga mo le toe taliu mai o Nelesoni na faatino i le 1932 -faatasi ai ma le tapenaina e le Mau o le onosefulu fautasi mo le faaaogaina, e 6,000 failauga ma tamaalii, ma se sauniga tele o le ‘Ava faa-Tupu i Vaimoso. Sa tusi atu Faumuina ma Mata’utia ia Hart ma talosagaina se faamaoniga o se amio pulea mo i latou uma o le a auai, ae ua le gata ina fai ina ia mautinoa e Hart- o le a leai se faalavelave-pe afai e tausisia pea tulafono a le teritori.

Sa popole Nelesoni i se mea e ono tupu mai talu ai lona toe taliu mai, ma o lea na ia tusi mai ai ia Faumuina-ma talosagaina o ia ina ia toe faaitiitia teisi le sauniga o le feiloaiga.

O Ianuari 1935-na tutupu ai ni mea tau polokiki i Niu Sila ma foliga mai ai- o le a tulai mai ai se faalavelave tele ina ua mana’o le Malo e siitia le fua faatatau o le faafesuiaiga o tupe i le va o le pauni a Niu Sila ma le pauni a Peretania. Sa teena e le Minisita o Minisita o Tupe o William Downie Stewart lea fuafuaga ma faamavae ai loa.

Na foliga mai la- e ono pa’ū ai le faigamalo-ma o le a manino ai le vaai a Nelesoni i le taua o le nofo ai pea i Niu Sila- pe a tula’i mai lea tulaga. i le Pati a le Leipa-lea e alolofa i le Mau- o le tulai mai o lea tulaga-o se avanoa lelei lea e manumalo ai.

Ae ui lava ina sa sasa-pala e tulaga faigata, o lea sa tumau ai pea le faigamalo a Forbes-a’o faagasolo pea le taimi o Nelesoni-ma ina ua na matua misia lava Samoa- o lea na tonu ai ia te ia -o le a toe taliu mai ma Gurr.

E tete mafuaga tatau a Gurr e tatau ai ona toe foi mai-ona ua matua pagatia lava o ia mai le filafriasis-ma e le o toe umi sona taimi. O le manatu faaalia la lenei o le Mekasini-“O paoa taua ua tuuina atu i lima o alii atonu- e aoga ona latou pulea tagata uli o Aferika, ae matua leai lava so latou iloa poo se malamalama i le tulaga maualuga o tagata Polenesia.

28 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?