Alii Tinei-Mu mitamita ua iloga lana Tautua

PM
By Pai Mulitalo Ale, 11 May 2016

A’o manatunatu le atunuu e aloa’ia tagata tinei-mu uma i le vaiaso talu ai, o se alii tinei-mu ua faamalolo litaea ma sa avea muamua ma Komesina o Auaunaga Tau Tinei-Mu, o Asuao Taalili Williams, sa tulai ma le mitamita i totonu o ana paaga.

I le matua i tausaga e 71, e malamalama lelei Asuao i tauiviga o loo uia e le toatele o alii tinei-mu. I le avea ma tagata tinei-mu, o lona talitonuga o le mafai ona galue lelei i lalo o ia faigata, pe a fua l le le-‘a’u’a’u o alamanuia-e le faigofie. 

 “O se galuega patino lea ou te mitamita ai i taimi uma,” o le faaaliga lea a Asuao. Fai mai Asuao ua talafeagai i Auaunaga Tinei-Mu ona i ai so latou aso faapitoa talu ai-o le vaega tele o le galuega e mafai ona lilo i le vaai. 

ADVERTISEMENT

Fai mai a ia o taimi uma lava latou te maua ai se valaau, e tumau pea ona avea ma mataupu le ola ma le oti.

 “O se galuega mata’utia, e mafai ona tupu soo se mea,” o lana faaaliga lea. “E ono mafai ona tupu i se vaalele, se vaa poo se fale tele. O le mea lea-e tatau lava ona e matua sauni mo le mea e sili ona leaga.”E ui lava ina aoaoina tagata tinei-mu, ae fai mai a ia –o faalavelave eseese latou te manaomia foi tali eseese. “O le pogai lena e aoaoina ai latou ina ia lava tapena i taimi uma,” o lana faaaliga lea.

A tilotilo i le tele o tausaga ua mavae, fai mai Asuao e umi le ala na savalia e Auaunaga Tinei Mu a Samoa. “Sa na o le tasi lava le loli tinei-mu sa ia i matou ma o lena sa fuafua e tautuaina le atunuu atoa,” o lana faaaliga lea.

O se tasi o faalavelave aupito i tele na tupu i le faagasologa o lo latou taimi o le faalavelve lea na tupu i le falemeli ma le fale teuoloa i luga o le uafu i Matautu lea na mu i le 1983. Fai mai Asuao o loo manaomia nisi tagata tinei-mu ma e tatau ona matua aoaoina lelei i latou, latou te manaomia foi le aoaoina i fafo ina ia mafai ai ona faamasani i latou i isi alamanuia ma mea faigaluega ia e le o maua e Samoa. O le lu’itau aupito i tele o loo feagai ma le tatou Auaunaga Tinei Mu o le itiiti o alamanuia ua ia i tatou.

Fai mai Asuao o loo i ai se mana’oga tau tagata faigaluega ma e tatau foi ona matua aoaoina lelei tagata tinei-mu. E tatau foi i tagata tinei-mu ona fai ni o latou inisiua talu ai-o le galuega o loo latou faia e matua mata’utia tele ma e tatau i le atunuu ona galulue faatasi ma le Pulega. Fai mai Asuao e manaomia nisi mea faigaluega mo le Pulega, ma nisi nofoaga e tatau ona faatu i vaega eseese o Upolu ma Savaii.

Sa galue Asuaso e avea ma tagata tinei-mu i le Auaunaga Tinei-Mu a Aukilani mai le 1966 i le 1975. Ona malaga atu ai lea o ia i le Iunaite Setete o Amerika i le 1975 ma auai i le Vaega-‘au a le Iunaite Setete i le 1980. O le 1980 na ia toe fo’i mai ai i Samoa ma na tofia e avea ma Komesina o le Tinei Mu mo le Auaunaga Tinei Mu a Samoa se’ia o’o i le 1989. Ua faaipoipo o ia ma e to’a-lima ona alo.

PM
By Pai Mulitalo Ale, 11 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?