O LA’U TALA FO’I

11 May 2016

1. O lea ua te’a atu le faamanatuina o le Aso o Tina i Samoa nei-ma o le upu moni-ailoga e i ai se aiga e le’i faafiafiaina i lea aso! O le uiga o se manatu-o lea ua uma ona faamanatu ma ua te’a atu.

Afai la ua mavae atu lea Aso-o lona uiga-ua te’a atu ai foi ma le faatauaina o le Tina i totonu o soo se aiga? Ia-pule lava oe ma lau tali-ae o lo’u manatu-o ai lava na mafua ai lenei fuafuaga lelei ma le matagofie-ina ia faamanatuina le Aso o Tina i Samoa nei-faafetai, faafetai, faafetai tele lava! E mafua ona e ui lava ina tatou iloa uma le taua o le tina i totonu o soo se aiga-ae peiseai tatou te le kea i ai.

O le tele o taimi e pei ona tatou iloa-o le tina lava le puna o manuia uma o se aiga.

O lona uiga-a lelei le tina-e lelei foi le aiga. A loto alofa le tina ma faapalepale-e faapena foi lana fanau-O lona uiga la-o mea lelei uma e fai e le tina-e manuia ai le aiga atoa aemaise ai o lana fanau! Ae a tatou tilotilo i nai tina o loo sauaina i o latou aiga-ona o le saua o latou ta’ito’alua e mafua mai le inu ava malosi ma fualaau faasaina-o tina tonu lava ia-e tatau ona tatou fesoasoani i ai-e ala ia tatou tatalo-ina ia mafai ona liua le sauaina i le alofa moni-ona o mata o le fanau o loo pulapula mai! O le upu moni lava-o soo se aiga e i ai se tina lelei-o le aiga manuia foi lena-talu ai –e le mafai ona faatusalia lona alofa!

ADVERTISEMENT

O le alofa o le tina moni-tusa lava pe o le mea e oti ai-e tasi lava lona faamoemoe-ia ola ma manuia lana fanau. O lena manuia-ia lava ona aoaoina lelei, usita’i ma faalogo-aua e leai se tina-e mana’o ia malaia sana fanau; e leai foi se tina e loto ia faasevasevaloaina lana fanau! O le tatalo foi ma le olega a le tina-e manuia ai le fanau ma latou fanau-ma o latou aiga uma!

O lona uiga la-tusa lava pe fai mai ua te’a ma mou atu le aso o Tina-ae o le upu moni-e le tatau ona te’a ma mavae atu la tatou faafetai i o tatou tina-aua e na o ia lava na te iloa le mea moni e igoa o le alofa! Ia saga manuia pea le Aso o Tina ma ia alofa le Atua-ia faafualoa ni outou aso tatou te saga mafuta ai pea! O le a sou taofi? 

2. Matauina i Tala Fou fai mai ua faa-talanoa e le Minisita o A’oga le mataupu tau le fevesiaiga a tamaiti a’oga ma le faamoemoe –ina ia toe tatalaina ai le Kolisi o Avele. O se fuafuaga lelei tele lea-pe a manatu i le afaina o isi tamaiti a’oga- e leai se latou sala-talu ai tamaiti tautalaiti ia sa taulamua i le faatupu vevesi i totonu o nofoaga faitele.

E manaia le finagalo faaalia o le Minisita pe a fuaiI le afaina ai fua o isi tamaiti a’oga-ae o le fesili taua lava-e faapefea pe a toe tula’I mai lea faafitauli? Manatua foi le upu a le ‘au-matutua e le mafai ona moemoenoa le tiapolo? O lona uiga la –e toe tupu fo’i! O le fesili la-o le a se faiga o le a mafai ai ona matua taofia lenei faafitauli? Afai e leai se fuafuaga ua faia i lea tulaga-faamata la e aoga so matou manatu vaivai? Ia manatua la-o lea sa fai le faatauga-pasi a le Malo: o lona uiga-o pasi ia na aumai i Saina mo le fono sa fai i Samoa nei!

O le manatu la-o nisi o na pasi-sa tatau ona tuuina atu mo a’oga uma i totonu o le atunuu! O lona uiga la-e alu atu le pasi ma tamati a’oga-ave sa’o lava i Avele poo Maluafou-tuu ai mo le a’oga. A tu’ua le a’oga-toe o atu foi pasi aumai sa’o lava mai le falea’oga-ma ave i o latou nuu-e aunoa ma le o atu i le Nofoaga Faatali-Pasi-lea o loo tulai mai ai ia vevesi! O le uiga la o se faamatalaga-ana faapea e i ai se fuafuaga faapena-e leai ni vevesi e tulai mai tamaiti a’oga! O le a sou taofi?

3. Matauina i Tala Fou ni tamaiti a’oga mai le Iunivesite o Utah Amerika-e faapea na alu le latou asiasiga i Mapuifagalele-le nofoaga o nai tinā ma tamā matutua-ma ofo atu i ai a latou meaalofa-ma o lea ‘aumalaga sa ta’ita’I mai e se alii Samoa o Sam Atoa-ma o lo latou faamoemoe-o le a faaauau pea a latou fesoasoani i le lumana’i.

Fai mai le latou upu taumavae ma Tinā ma Tamā matutua-“Matou te alolofa ia te outou uma lava! Fai mai na matua faafetaia e le ‘au-matutua a latou meaalofa! Aisea la ua alofagia ai e lea malaga le nofoaga o Tamā ma Tinā matutua? O le tali- e i ai foi o latou matua-ma latou te alolofa foi i o latou tamā ma tinā! O le a la sou taofi?

11 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?