Manatu o le Fa’atonu - Fa’afitauli ma o latou tali

MM
By Marj Moore, 10 May 2016

O le velavela mai ai o fusuaga aemaise o vevesiga i le va o aoga lea o lo’o fa’salalauina pea mai lea taimi i lea taimi , o lo’o ua matua’i mana’omia lava se vaifofo i ai ma o se mea e ao ona fa’atinoina loa i se taimi vave lava ae aua lava nei i ai se fa’atuai.

O le maitau atu ai i le taimi lenei ua amata ona agai le malo e tapunia nisi o Kolisi lea o lo’o mafai ona maitauina o lo’o i ai i lea tulaga.

O se tasi lea o vaega fa’atupu manatu i le tele o nei tulaga, ona o se taimi muamua lenei ua alia’e mai ai lea tulaga e pei ona ua o’o mai ai le malo ma fa’atinoina ai loa lo latou foi pitola’au.

Aepeitai, o le taimi e ao ona toe mafaufau loloto i ai i se taimi e faia ai se fa’aiuga lelei ma le talafeagai mo le fa’afitauli e pei ona alia’e mai.

E le o se mea e ao ona manatunatu mama i ai , ae ao ona i ai se tulaga e ao ona mata’itu lelei mo le agai atu ai i le lumana’i, ina ia vave se faiga talafeagai ma le mautu, aua tulaga tau a’oao’oga i totonu o le atunu’u.

O le mea lea e ao ai lava ona manatua, o e o lo’o fa’atupuina nei tulaga e le’o na o e mafua ai , ae o lo’o mafai ona aofia nisi e to’atele.

O le isi itu e ao ona silasila toto’a i ai o i latou o lo’o i tua atu o fa’afitauli e pei ona ua alia’e mai i totonu o aoga.

ADVERTISEMENT

O le a sa’o lava se tali i nei fa’afitauli e pei ona ua maitauina nei ua amata lava ona agai atu le atunu’u i le leai o se vaifofo e mafai ona foia ai.

E pei ona silafia ai o le vaiaso na se’i mavae atu nei na fa’ao’o mai ai se fa’asilasilaga mai le Palemia ma le malo mo le tapunia ai o se aoga i se taimi le tumau ao fa’agasolo Suesuega.

O se vaega ua tulimata’ia pea e o’o mai i le taimi lenei.

O le mea e pito sili ona laualuga i le mafaufau le taimi lenei aemaise o se fesili tele lava e fa’apea – aisea na amata ai nei fusuaga?

O se tusi na tusia e se tasi e le’i manao e fa’ailoa mai lona suafa na i taua le tele o le mau fa’alavelave na tulai mai i tausaga ua mavae mai fusuaga lava nei.

O aoga na mafua mai ai e aofia ai Don Bosco, Sagata Iosefo ma Avele.

E ui i le tele o mea o lo’o mafai ona maitauina ai le fa’aleagaina e pei ona lipotia e leoleo ae le’o mafai lava ona lipotia nei vaega uma.

Leai ni taui mo mea na fa’aleagaina, e leai lava ma ni mea na faia mo nisi o tagata, sei vagana ai fa’atoesega na tu’uina atu i le Palemia ma le Ao Mamalu o le Malo o Samoa.

O le a la le mea lea ua i ai nei, leai se mea, na solofua uma na mea uma.

Tatou talosia o le a i ai se suiga mai le tele o le mau fautuaga e pei ona ua tu’uina atu nei mo le fanau, ina ia filemu ai pea lea agai atu i luma o tulaga tau a’oa’oga.

MM
By Marj Moore, 10 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?