E le salalau mai le lagi ni manuia

VM
By Vatapuia Maiava, 28 September 2016

O le finagalo lea o Me Tulifau,  o ia o se tinā o le afio’aga i Lefaga ma o lo’o galue i se tasi o poloka a lo latou aiga i le Maketi i Fugalei.

Na ia fa’ailoa i le Fofoga o Samoa o le taimi lenei o lo’o taumafai lava i so’o se vaega e fesoasoani a i lona aiga ma o lona ia lea fa’anaunauta’iga ia manuia lona fuafuaga uma aemaise le lumana’i o fanau.

“Ia o le taimi lenei e usu mai lava i Lefaga i taeao uma, o le a fo’i lava le totogi o lo’o i a i le taimi lenei, ia o lo’o taumafai lava e feauauta’i aua lava aoga a le fanau.

“O le tupe lava e maua ia o lena lava, o lo’u ia iloa po o le a le laititi o le tupe e maua ae o le fa’amaoni lava o le mea e pito sili lea ona lelei.

ADVERTISEMENT

“E leai fo’i se aoga e tele ai tupe e maua, ae leai se  fa’amaoni o i ai, aepeita’i o a lava mea ua foa’i mai luga ia o le talia lava ma le fiafia.

O le talitonuga o Me, o le tagata lava ia e mafua ai ona mativa.

“O le mea moni lava ma le fa’amaoni o le olaga lenei e le gata ona e tatalo ae ia e galue ma afu lou muaulu.

“E leai se tulaga fo’i le le o le mana’o e maua le tupe ae na o le ala ane lava i le taeao fealualua’i solo, ia ona tamomo’e atu lea o ta’i $10 ma ta’i $20 e tuli oe.

“Leai!, e le salalau sa’o mai le lagi ni manuia... e tatau ona e galue o le a lava le galuega ua avatu, ia e galue ai ma le fa’amaoni. “O le maitau atu i le taimi, lenei ia ua si’isi’i lava i luga le tau o le soifuaga ae le tatau ona o tatou nofoa’i ai ae tatau ona gaoioi mafaufau pe fa’apefea ona atia’e ma tausi aiga i lea aso i lea aso, o le itu pito sili ona taua i la’u maitau i ai.

“Atonu lava e i ai lava taimi e le lava ai fo’i le fa’asoa ma i lea taimi i lea taimi, ae o le galue lava, o le taimi lenei o lo’o i ai fo’i nai fa’ato’aga  o lo’o fai ma tua i ai le leai o se tupe ma se mea’ai i isi taimi ae fa’afetai i le Atua o lea lava e fai ma fua mai le fuata.

“O lo’u iloa i ai o le taumafai lava ina ia tu’u atoa ai le malosi i le fa’atinoga o  galuega ia ma tatalo i le Atua e saga foa’i le malosi i le tino, mafaufau atoa ai ma le agaga. 

VM
By Vatapuia Maiava, 28 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?