Ua fa’atupula’ia soligatulafono

SS
By Sarafina Sanerivi, 18 January 2017

“Ia o nei aso ua tele le mau soliga tulafono ua i ai.” Latū Faigata, 63 le matua o le soifua o Saleaumua.

Na afea e le Fofog o Samoa  ananafi le tamā, ma o lea le suiga na ia fa’ailoa ua ia maitauina i nei aso.

“Ia o nai o matou olaga e pei ona outou maitau mai, ia na amata mai lava i faleo’o le olaga na ola ma soifua ai i la aso.

“E le’i tele ni ta’avale ma nisi lava o vaega na mafai ona maua i la aso, aua o nai o tatou tagata o le mea lava ua maua, ia o lena lava.

“E o’o lava i ta’avale ia e pei a ta’u aiga i maumea i la aso, ia o i latou nei e i ai o latou ta’avale ma fale tetele.

“E le’i fa’apea fo’i na fa’amoemoe le tele o vaega e fa’atino e pei o fa’alavelave ma le tele lava i ni tupe, aua na tele lafumoa, lafupua’a o ma’umaga  na tua i ai.

ADVERTISEMENT

“Ae o nei aso ia ua o tatou molimauina lava suiga o lo’o ua i ai le taimi lenei.

“Ua amata ona si’itia le mana’o o tagata ma ua tele ai ina si’itia atu ai ma le mau soligatulafono.

O lona talitonuga ua mafua mai le si’itia ona ua le mafai ona galulue le to’atele.

“Ia e pei o lea le mafua’aga e pei ona o tatou molimauina ai le taimi lenei e pei ona i ai le tulaga o lo’o ua i ai.

“O se itu e ao lava ona o tatou toe tepa i ai, ia se’i taga’i i le tele o le mau tagata e leai ni galuega, o le isi lea fa’aosoosoga tele le maua ni galuega ia na’o le gaoi lava.

“Ua amata ona feofeoa’i  solo i le taulaga ma fa’atupu vevesi solo ai, ae le’o lea le tulaga e tatau ona o’o i ai.

“O nisi ia ua amata na pei e fa’atagā valea ma aisi solo ae le leaga o latou ulu, aua fo’i a leai lava se mafutaga lelei mai totonu o aiga o laiti e o’o lava na matutua e fiu e tau toso i ai.

“Ae pei o so’u ia iloa i ai, ua faigata lava nei aso ma ua tauao ina le toe maua ai se isi mafutaga lelei a le to’atele ma aiga, ekalesia ma fa’alapotopotoga o lo’o galulue ai.

“E pei o so’u ia iloa i ai le tulaga i le si’itia ai o soligatulafono ua i ai nei aso.

SS
By Sarafina Sanerivi, 18 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?