O lo’o i ‘ele’ele fa’amanuiaga

By Vatapuia Maiava ma Ilia L Likou 19 October 2016, 12:00AM

O Moemoe Tagaloa o se tamā tausiaiga ua 40 le matua o le soifua o Magiagi.

Ua tele tausaga o galue o se fai fa’ato’aga i le tōtōina o le esi, ma na ia fa’ailoa o vaega nei na fesoasoani tele i le aiga.

O le itu pito sili ona fa’afiafiaina ai i le taimi lenei o le i ai lea o faitoto’a e mafai ai ona fa’atau atu ai le esi i le tele o faletalimalo ma nisi o le mamalu o le atunu’u.

“Ia e pei o a’u lava ia e faigofie le fofoaina o le esi, ma e moni lava e umi se taimi o fa’atali mo le fa’atauina atu ae lelei le tupe e maua mai ai.

“Ou te ta’u sa’o lava o lo’o fesoasoani tele mo le tausiga o si o’u aiga, ma o lo’o va’ava’ai atu lava i le fa’ateleina o la’u fa’ato’aga.

O a ni au metotia i le tōtōina po o le fofoaina ai o le esi lea o lo’o e fa’atauina i le taimi lenei.

“Ia o le fofoaina o le esi o lo’o o’u fa’atinoina ina ia mafai ona maua mai le ituaiga o fua lelei nei e pei ona e va’ava’ai mai ai. 

“E muamua ona tanu i lalo otaota (o meaola) ia ona toe tanutanu lea i le  palapala fa’atoā tu’u atu ai lea o fatu esi ia ona toe tanutanu lea.

“Ia o le esi o le tausaga atoa lava e tōtō ai, pe a ma le sefulu tausaga na ou tōtōina ai aua o le tupe maua lava a a’u i le vaiaso e tusa e $3,000 i le vaiaso.

“O lo’o i ai le faitoto’a o lo’o kiliva atu ai faletalimalo aemaise o totonu o le nu’u ma le lautele o le atunu’u.

O lona talitonuga ‘E leai se mativa pe ā fa’amalolosi  tagata e galulue, o lae a ta’atitia tupe le ‘ele’ele ae o le le galulue lava.

O le fesiligia ai i le fesoasoani ua maua mai le Samoa Commercial Bank mo Nonogatupe ua ofoina mo le ‘au fai fa’ato’aga o lo’o tau atia’e, sa ia fa’ailoa le agaga fa’afetai.

“O le lagona lava o le fiafia ina ua fa’alogoina ua tatala e le Faletupe lea tulaga mo le au faifa’ato’aga o lo’o atina’e.

“E tele le mea mana’o ai ia ae pei o seleni lava le fa’afitauli ae pei a maua se fesoasoani mai le Faletupe ia o le a fa’amoemoe lava ia tele nisi vaega e fa’atinoina ai le tausiga o aiga.

By Vatapuia Maiava ma Ilia L Likou 19 October 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>