Mana’omia lava le suavai

AL
By Aruna Lolani, 16 March 2017

Na fa’aalia e se tama i le Fofoga Samoa, Sefau Evi, 64 le matua ole soifua mai le nu’u o Leauva’a, le faigata o le leai o se suavai maua mo ia ma lona aiga. 

O le aiga o Sefau e fa’amoemoe i latou mo le suavai mai le aiga latou te tua’oi.

“Ua fai lava sina umi o matou nonofo i lenei itu ma o se fa’afitauli lava lea sa matou feagai ai mai la aso,” o lona manatu fa’aalia lea ile Fofoga Samoa ile aso ananafi.

“O le taimi nei ia o lo’o mana’omia pea e matou se tane vai aua e pei ole matou tua’oi le tele na aumai ai a matou vai. Ia vagana lava pe’a timu ia fa’ato’a maua fo’i lea o vai a matou a ia. 

“Ua uma ona matou lipotia lenei mata’upu ile Matagaluega ole Vai, ma latou faimai e matou te fa’atalitali aua e tele lava le galuega e fai i mea fa’apea.

“Ia o lea la ua o’o mai le taimi nei e leai lava se mea o faia.

“O lea la ou te aioi atu ai ma le loto maualalo, po’o ai lava se tasi e mafai ona fesoasoani mai lenei mataupu.”

O lo’o mana’omia atuatuavale lava e lenei tama se suavai. 

“Ou te tautino atu, e le’o se mea faigofie le aumai ina o vai ma isi nofoaga i aso uma

“Ae o la’u galuega masani lea i aso uma ae ou te le’i alu ou te faigaluega aua e le mafai ona tu’u la’u fanau iti e o e aumai a matou vai. 

“E tatau la ona ou saunia lenei mea ae ou te lei alu ese atu ma le fale ia fa’apea fo’i pe ‘a ou manava.

ADVERTISEMENT

“Ia o lea e te va’ava’ai mai, ia o paelo lava ia e fa’aaoga e sefe ai a matou vai.

E mana’omia lava se tane vai po’o se alaga paipa fo’i mo lo matou lava aiga ina ia aua ne’i o matou toe fa’amoemoe fua i isi tagata. E mana’omia le suavai mo tamaiti aoga aemaise le faiga o mea’ai.  

“O le tele o taimi e le lava fo’i le matou seleni.”

E na’o Sefau lava o lo’o taumafai ile tausiga o lona aiga. O le latou alagatupe e ala mai lea mai le galuega fa’asikulati a Sefau ile falemata’aga a Robert Louis Stevenson. 

“O la’u totogi mai le galuega fa’atasi ai ma le ma’umaga o lo’o matou ola ai. 

 “Ia ma o lo’o matou taumfai pea atina’e atu le matou fale lenei,” o lona manatu fa’aalia lea.

 “O le fale lea a le matou aiga ma ou te mana’o lava, e lava lenei fale e avea ma meatotino a la’u lava ia fanau.

 “O la’u a ia talitonuga, matou te mafai tele ona matou taumafai i mea ua matou maua i le taimi nei ae o le vai lava o lo’o mana’omia ai se fesoasoani tele. 

I le tele o faigata o lo’o feagai ai Sefau ae sa ia fa’apea mai lava o lo’o lelei pea le olaga mo i latou. 

“O le mea e sili ai le nofo i tua nei, ole tele o le matou fanua matou te galulue ai ma e filemu fo’i.

“I nu’u ia i Apia, e tele alu mamao lava e sue se mea e maua ai le talo ae o tua i nei, na’o lou savali atu i lena itu ma maua ai. 

“E le taitai ou mana’o e ola fia ‘aai lo’u aiga.

 “O lo’o lelei mea uma ae matou te mana’omia lava se fesoasoani ile vai.

AL
By Aruna Lolani, 16 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?