Ia ta’imua i fa’atinoga lelei

VM
By Vatapuia Maiava, 27 September 2016

“Ia tatou galulue fa’atasi.” Le tinā i a Karolina Taga o Levi Sale’imoa i le fa’atalatalanoaga ma le Fofoga o Samoa i le aso ananafi.

O lona finagalo o se auala lea e mafai ai ona manuia o so’o se taumafaiga i totonu o nu’u afio’aga ta’itasi, Ekalesia ma le atunu’u.

“O au e to’aono la’u fanau, ma o le galuega lava lea na ou fa’atinoina aua le atina’eina o la’u  fanau, ou te fai lava fo’i i la’u fanau ina ia to’a’aga e o le aoga, ma ia fai se aoga o galuega o lo’o taumafai atu aua lo latou lumana’i.

“E le galulue fa’atasi loa le tamā ma le tinā o le aiga aua le atina’eina o fanau o le mea e tupu, o le ola falolo o nai fanau i le lumana’i.

“O le taimi lenei o lo’o lava le fa’asoa ma o lo’o taumafai lava i le mea e gata ai le malosi.

“O a’u lava ia ou te le mana’o ou te fa’amoemoe i nisi tagata po o le  tamā o le aiga mo ni tupe maua.

“O lo’u iloa i ai o le ola fa’alagolago i isi tagata e le o se mea lelei ma e le’o se fa’ata’ita’iga lelei lea mo le fanau i lo’u iloa i ai.

ADVERTISEMENT

“O lea le agaga maualuga o lo’o i a te a’u ia mafai ona o latou tutupu a’e fo’i o ni fanau e  galulue malosi aua le aiga ma le tele o vaega e atia’e ai lo latou ola.

O a ni fa’afitauli e tele ina e mautauina i totonu o le aiga?

“Ia o le tele lava o taimi ua tau fa’avaivai mai le tama, ia o la’u ia galuega e fai ai o le una’i lava.

“E fa’amalosi mai i le tele o galuega e feagai ai i aso uma, o lea le fa’amoemoe tele lava o lo’o i ai i le taimi lenei, o le galulue fa’atasi lava.

“A  va’ai atu ua i ai nai fa’afitauli ia o le galuega lava ia a le tinā o le fa’amalosi.

“E pei lava ona ou fa’ailoa muamua atu lava, ia o le galulue fa’atasi ai lava ma fa’amoemoe i le Atua e faigofie ai so’o se mea tatou te mafaufau e fai.

“O tatou ia na o le fuafua ae pei lava o le Ali’i e na te fa’ataunu’uina ma le manuia so’o se la’asaga tatou te feagai ai.

“O le fa’atauina ai o fua o fa’ato’aga nei o lo’o fesoasoani tele i le tele o mea fai o lo’o feagai ai i le tele o aso , e pei o mea fai o le lotu, nu’u o Ekalesia.

“O le fo’ai lava ia e toe fa’atutumu ai le tele o mea e fa’agaogaoina.

VM
By Vatapuia Maiava, 27 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?