Fua o le faatoaga mo le ola i aso uma

SS
By Seia Soloi, 15 March 2017

E ala eseese lava tagata ma a latou tali atu i le tau o le soifuaga ma auala e foia ai lea faafitauli tele.

E le’o na’o le faigaluega i le faletupe ma le faleoloa tele e maua mai se tupe mo le tausiga o aiga.

E pito sili ona tele tupe e maua mai i le faatoaga ma le togalaau aina e sili lava lea e maua fua mai mo le tausiga o le aiga.

O le manatu lea o le taule’ale’a ia Falaniko Tuala, 38 tausaga le matua mai i le afioaga o Vaitele. E silia ma le toasefulu  tagata o lona aiga.

“E faigata ia o se tautuaina o se aiga e ova ma le sefulu ona tagata aua e talanoa lava o tupe mea uma e tausia ai.” O lana tala lea i le Fofoga o Samoa.

“E moni lava e faigaluega le toatele o le aiga, ae o tupe e maua mai ai e le taitai gafatia lea ma lava mo mea e moomia I totonu o lona aiga.

“O le ala foi lea ua ou manatu ai e faatau la’u togalaau aina e fesoasoani ai I seisi vagea o mea fai I totonu o le aiga.

ADVERTISEMENT

O Falaniko e lei fai aiga, ma o lana galuega o lo’o faia i aso uma o le tautuaina lea o lona aiga.

“Tusa lava po o lea o le toatele i fea, o mea lava ua maua i lima ua lava lena ma totoe aua le tausiga o aiga. M ao lo’u manao foi lea ina ia le sailia so’u galuega ae fai le fatu aiga tausi.

O lona manatu, e moni ua taugata le tau o le soifuaga ma ua fai lava sina taugata.

“A alu lava i luma le olaga ua siisii ai foi ma le tau o le soifuaga ma le tau o ana oloa o lo’o faatauina mo le lautele o le atunuu.Ma a fua atu iai mo a’u ma lo’u aiga e fai sina toatele ia e talanoa mai lava i le tele o tupe e faatino ai mea uma.

Ma i lana faatauga i le aso e silia ma le $200tala lana tupe maua mai i le aso, aua na ia ta’ua e naunau lava ina ia faaumauma ana mea o lo’o faatauina i le aso e tasi.

“E faatau mai lava i le taeao seia po o lo’o faia lava o lo’u manao ina i a uma lelei mea o le a faatauina i lea aso ma lea aso ae toe vaai nisi mea fou mo leisi aso, o le augofie lava e fai ona ia naunau i se meaai mo lo’u aiga.

Na ia faailoa foi pau le tulaga tele o lo’o alu ai ana tupe o le totogi ina lea o pili o le suavai ma le moli mo le aiga, ma fesoasoani i nisi o tulaga e moomia ai sana fesoasoani.

“Out e fesoasoani i nisi o o’u uso ma tuafafine pe a moomia se seleni aua le faaa’oogaina o tamaiti ma mea e fai e pei o foai i le lotu aua e seasea fai ni faalavelave faale-aiga iai i matou.

Na fesiligia foi e le Fofoga o Samoa Falaniko pe sailiili sana galuega i le lumanai ao lana tali mai;

“Ua lava lea ma totoe mo au, aua e tele ai a’u tupe o lo’o maua ma ii la’u galuega o lo’o fai nai lo lo’u faigaluega i seisi mea.

SS
By Seia Soloi, 15 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?