O LE MAU A PULE - THE MAU MOVEMENT 1926-1946.

FN
By Fuimaono Na'oia Fasavalu Touli F. Tupua, 22 June 2016

O Hart-na aliali mai e sili atu ona telē lona mafaufau i lo le Pule talu ai –ma e sili atu ona faapalepale- e ui lava i uiga o fitafita-poo Lisatisone poo Aleni.O lona tulaga uiga ese-ae na te le’i tuua Aukilani mo Samoa-na ia faia se talanoaga faalilolilo puupuu ma Nelesoni ma Gurr i se fale talimalo i totonu o lea aai.

E itiiti se itu aoga sa talanoaina- ae o le manatu o Nelesoni-e sili atu le agalelei o Hart. 

Sa lapata’ina o ia e Aleni e tatau ona tilotilo lelei i “tulaga le manuia o tapu-ia e mafai ona tuuina atu mai lea taimi i lea taimi-e tusa ai ma le tulaga tu-to’atasi o le Pulega. Ae peitai-o faiga a Lisatisone ma Aleni- na matua pagatia ai Ueligitone i pulega tuto’atasi-ma o lea o le a matua mata’itu ai Hart mai Ueligitone.  Ae o le itu e faanoanoa ai-e leai se tasi o i ai e mafai ona faapea- ua agavaa ma malamalama lelei ia Samoa ma le faiga o faaiuga tetele. O le pulea mai se nofoaga mamao-ua faamaonia- e le o toe i ai sona aoga i lo le faiga tau le pulega tuai. O le taunuu mai o Hart i Samoa nei-na fetaui ma le tulaga aupito i maulalo o le Mau- talu ona faavaeina. 

Ina ua aulia le 1932-na maua e tagata Samoa e faapea o latou avanoa uma sa faifai malie lava ona taofia. Na latou matua teena sauaga. 

E foliga mai ua leai se faamoemoe o Nelesoni. I sana tusitusiga ia Oketopa 1931-fai mai a ia-‘i totonugalemu o le le faamalieina-o lea ua i ai lo latou faamoemoe o se aso-o le a malamalama ai Niu Sila i mea sese na fai e “ana ofisa faa-fitafita….ma le sootaga ma Samoa. 

Ae i le taimi nei, ua leai se faamoemoe o Samoa. E leai ni tulaga lelei ua tula’i mai talu mai le taimi o Lisatisone. I nisi itu-ua faatetele ona leaga. O le fuafuaga mo le faiga o aai o nuu ma suiga tau eleele- ua tu’u e aunoa ma se leo, ae o le tele o tulafono fou ua matua faigata ai le soifuaga-e o’o lava ia i latou o loo tausi i le tulafono i totonu o nuu.

O tulaga faigata o le lalolagi- ua matua afaina ai tagata Samoa ona o le leaga o le tamaoaiga-ae pei lava o tagata maumea-o loo taumafai lava tagata Samoa e tusa ai ma lo latou malosi- ina ia faaleleia o latou olaga i lo tagata o loo nonofo i totonu o le taulaga.

ADVERTISEMENT

Na vaaia e Nelesoni le matua leai lava o se faamoemoe mo tagata Samoa i se aso e tasi. Na ia tusi atu ia Ala Tamasese e ta’u i ai e faapea e toatele tagata matitiva o Niu Sila ma e o’o lava i le Malo- ua matua “mativa lava ma vaivai.”

Fai mai a ia- a tumau pea le malosi o le Mau ma lotomau-atonu e le o toe umi ae tuuina mai mea latou te manaomia. Afai o loo faigata taimi i totonu o Niu Sila, o loo tumau pea le lelei o le soifuaga i Vailima.Sa talimalo Hart i se Siva mo le malaga asiasi mai a Amerika Samoa ma le Kovana o G.S. Lincoln, ae leai sa tagata Samoa na valaaulia ai- faapena foi ma ni alii ofisa ua faaipoipo i tagata Samoa.

Fai mai le faaupuga a le New Zealand Samoa Guardian: “Sa i ai le mafaufau o isi e faapea- o i latou ia sa mulimuli atu i Papalagi-o le a valaauina i latou-ae o lea ua manino mai-ua uma ona faata’oto le tuaoi o le faailoga- lanu.”

Sa tatau ona toe foi mai Nelesoni i Samoa i le faaiuga o le 1932-o se fuafuaga lea na popole ai Forbes e amata mai ia Aperila o lea lava tausaga: “Ua ‘ou mautinoa e faapea o gaoioiga a Nelesoni i totonu o Niu Sila i le faagasologa o nai tausaga-ua matua lava ma totoe lea –e toe faaopoopo ai le taimi o lona faatafeaina- pe afai e tatau ona faatatauina o se faiga talafeagai lea e tatau ona faia-“e tusa ai ma a tatou lava aia tatau.”

Sa mana’o o ia e toe faaopoopo le taimi o le faatafea o Nelesoni-ae tusa ai ma le fautuaga faale-tulafono-o lea sa faamalosia ai o ia e ioe e faapea-e le mafai ona faatino lea tulaga. Sa talitonu Forbes o le a “vave ona tulai mai ni tulaga faigata”i totonu o lea vaitaimi e toe faafo’i atu ai Nelesoni, ae o lona manatu-o le a te’a ese atu lea tulaga.

O le manatu o Hart-o le faatagaina o Nelesoni e toe foi mai-o se mea sese maoa’e lea tau le faamasinoga tonu, ma o lea na ia talia ai le isi manatu e tu-faafegai ai-e faapea e leai se vevesi e tulai mai pe a taunuu atu Nelesoni, ae o le a toe olaola ai le Mau.

Sa faaauau pea lona manatu ma na faaaalia ai e faapea o le a faaaoga e le Mau fana i’a e talepa ai vaitafe e i fafo atu o Apia. “O nuu uma……o le a talali e pei o le afi ma e mana’omia ai se mea itiiti e una’ia ai- ina ia avea ma afi mu-saesae.

Fai mai Hart-e tatau ona toe faamalosia leoleo pe a toe fo’i mai Nelesoni: “E faaopoopo atu i ai ma lo’u fautuaina e faapea- o alii e leai ni o latou ta’ito’alua o le Pulega ma soo se isi lava tagata talafeagai e ofo mai-ia valaauina ina ia auai i le Apia Defence Riffle Club (O le Peresetene, Alii Leoleo Asiasi o Braisby) poo le resitala e avea ma leoleo faapitoa.

Na poloa’ina e Forbes e faapea o le taimi lava e toe taunuu mai ai Nelesoni i Samoa-ia matua vaai faalelei-ma afai e i ai ni faamatalaga tau faaleaga na fai-o le a tatau loa i Leoleo ona saisai o ia i le taimi vave e mafai ai –a’o mamao ese o ia mai le motu o tagata!

FN
By Fuimaono Na'oia Fasavalu Touli F. Tupua, 22 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?