Manatu O Le Fa'atonu - ‘Ai-lililo faiva o le Malo

MM
By Marj Moore, 18 July 2016

O se tala fiafia na’ua ua ‘aumai nei, fa’apea ua maua nisi latou te fa’aaogaina le ‘elefane-pa’epa’e taugata, le Ofisa tuai o le Fa’alapotopotoga mo ‘Ele’ele a Samoa i Tuana’imato, a ea?

O le finagalo lea o le malo ua o’o iai i lenei taimi.

Talu ai fo’i le to’atele o le mau tagata sa fa’ananau iai ae mulimuli ane, e matua mamao lava se seleni na mana’o iai le malo. 

Leai se tagata-soifua e le ofo ai i lena mea.

Talu ai fo’i le tele o mau ripoti e uiga i le mau tupe a le malo na so’ona fa’aalu ai, a’o avea lena ali’i o Faumuina Liuga ma minisita. Ae maise fo’i le-aoina o lafoga masani, o le fa’atauina o ‘ele’ele i tagata faigaluega o le Fa’alapotopotoga i le na o le 60 pasene o le tau masani, o le tele o feuiuia’iga pi’opi’o sa faia ma poloketi le-manuia na gogoto uma ai. 

E o’o fo’i i le lifi o lea fale, o se fa’ailoga va’aia lava lea o lea fale, e le’i minoi lava ma fealua’i i luga ma lalo. 

A o le taimi nei la, e foliga ua atamamai le malo ua ofo atu ai lea oga-fale ma le fanua o iai, e lisiina atu i se fa’alapotopotogha o tagata mai Mexico e ta’ua, o le Hope 4 Cancer. 

O le taimi nei la, ua lagalaga nei fo’i sui o le palemene ona o le ta’ua o nei mea o turisi ma tagata asiasi mai ona o togafitiga nei. 

I se ripoti o lo’o i upega-tafa’iLagi, o lo’o ta’ua ai, “Ua fa’asalalauina nei ma ofoina atu e le Vaega o le Hope 4 Cancer (i Mexico), ni va’aiga matagofie o le gataifale, o feso’ota’iga fa’aInitaneti e le fa’aaogaina ai ni uaea ma se ‘ave-ta’avale fa’apitoa e faia fa’atauga ma fa’aturisi solo i nofoaga matagofie (aua e leai ni a’afiaga o a matou togafitiga...)” O lea taunu’uga mata’utia e ofoina atu ai se avanoa e masani ona o’o atu i le 25 afe tala Amerika lona tau e le aofia i tulaga tau-inisiua. Ae le fa’apito ‘augafa na o tagata ta’uta’ua e asiasi mai. O le tamaloa ta’utau’a i tifaga o Steve McQueen, sa togafitia i se falema’i i Tunisia i le gasegase o le cancer e fa’aaogaina ai se vaila’au (laetrile) e gaosi mai la’au o le apricot. Na maliu McQueen i nai masina mulimuli ane ina ua mae’a ona togafitiga. O le tama’ita’i ta’uta’ua foi o Coretta Scott King, sa sa’ilia se fofo mo le kanesa o totoga-fanau, ae na maliu ai lava i Tijuana i le 2006.” 

Moni la ua saunoa mai le Minisita o Lautafi, o le a iai uma fa’amatalaga talafeagai i lea maliega, ae tatau fo’i ona ‘aumai o se fa’amaoniga mai le malo, ua mae’a ona faia o se su’esue’ga au’ili’ili o lea fa’alapotopotoga. O le fesili lea, na ‘alo ai loa lana Afioga a le Minisita e ala i lona fa’apea mai, “O le tagata tonu e fitoi iai le mata’upu lea, o le Palemia  o Tuila’epa Sa’ilele Malielegaoi. 

ADVERTISEMENT

Lona uiga na te le-iloa po’o faia ni su’esu’ega a lea fa’alapotopotoga pe o lo’o fa’apea mai e le fia tali i le fesili? Po’o le a lava, e mafai lava ona tatou fa’apea,  ua tatou masani i le toatele o tagata mai fafo e felelei mai ma a latou fuafuaga mata’utia ma toe felelei atu, ma faigata ai ona maua o se sa’iliga atoatoa a’o le’i sainia se maliega ma se lisi.

A tilotilo lelei i le fa’ai’uga a le malo ua fai,  tatou te manatua vave ai le tele o isi mea fa’apea ua fai iai fa’ai’uga a le malo, e aunoa ma le faia o se su’esu’eina au’ili’ili muamua. 

O se fa’ata’ita’iga, ua matua popole lava le malo i le soifua maloloina lelei o le atunu’u, ua tele ai tupe a le ‘aufailafoga ua fa’aalu i fa’asalalauga, o fa’alauiloa ma isi fa’atosina e una’ia ai le mamalu lautele, ina ia taofia le ulaula tapa’a, ma ‘aua fo’i le amataina.

Fa’apefea ona fai ia mea, a’o lea e naunau lava e tuli’aupu le fa’ateleina o tupe-maua, lea e una’i mai e kamupani mai fafo e ala i le fa’atuina ma le fa’amaonia o le fale-gaosi sikaleti lona lua ua iai nei?  

Ona sisi’o loa lea o fa’aupuga ma fa’apea mai “O le fa’ai’uga lava lea a le tagata ulaula tapa’a. Tusa lava pe leai se kamupani gaosi-tapa’a, o le a fa’aauau pea ona fa’atau e tagata sikaleti mai atunu’u mamao.” 

E a ‘ea? 

Sili ai pe a tu’u uma nei fa’asalalauga e fai, pe afai lava e tu’u i le fa’ai’uga a le tagata ulaula.

Na fa’aauau lava lea o le saunoaga a le Minisita ma fa’apea ai, o lo’o fuafua le kamupani e fa’aaogaina le tapa’a-Samoa o lo’o maua i le lotoifale, e gaosi ai sikaleti.

“O le a mafai ai fo’i e le atunu’u ona fa’atau atu a latou toga-tapa’a i le kamupani lea.

“O le mea lena matou te manana’o e fa’amalosia.

“Matou te manana’o e fa’aaoga pea puna’oa o le lotoifale, ae le o le iai o le fale-sikaleti i Samoa nei, ae ‘aumai fafo mea e fa’atino ai galuega.“ 

E matua misi sa’o i le saunoaga a le minisita, se fautuaga a mea o mea e maua i Samoa nei mo le gaosia o le tapa’a, e le maua ai se ma’i o le kanesa ma isi fa’ama’i fa’apena. E fa’apena fo’i le matua  piano o le Matagaluega a le Soifua Maloloina ona o lea mata’upu. Fa’ailoa mai sou finagalo Samoa!. 

MM
By Marj Moore, 18 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?