Mana’omia se suavai e ola ai

AL
By Aruna Lolani, 12 April 2017

O Sonny Stanley o se tama e 31 le matua o lona soifua, e sau mai le nu’u o Moata’a ma o lona ia talitonuga, e iai lava le aso e maua ai e ia se olaga faigofie ma le filemu.

Na maua le fa’atalatalanoaga a Sonny ma le Fofoga o Samoa a’o sauni o ia mo galuega o le aso.

Sa ia ta’ua e to’afa lana fanau ma o ia fo’i le alagatupe a le aiga.

Sa fa’apea mai Sonny, e le’o se mea faigofie le taumafai e ola i le olaga ua iai nei ae e taua lava le tatou ola taumafai ma fa’amalosi. 

“E le’i tele ona matou nonofo i le itu lea, masalo ua atoa nei se ono masina. Ia o mea la ia ua matou maua lenei taimi,” sa ia fa’apea mai.

“Na’o a’u ou te faigaluega i le matou aiga, o le mea lena o lo’u taumafai malosi ai e tusa lava po’o le a le faigata.

“O faiga ia o le olaga, e faigata.

“O le tiute fa’atama, o le va’aiga o le fanau po’o atoa uma mea mo le aoga, maua mea’ai mo le aiga ma isi mea fa’apena. 

Sa ta’ua e Sonny i le Fofoga o Samoa, o ia o se kamuta. 

ADVERTISEMENT

“E $400 la’u seleni e maua i le masina ma o lena tupe e fa’aaoga e tausi ai le aiga, e taumafai ai la e fa’asoasoa.

“O le olaga fo’i nei ua le toe faia i ni tetele o ni tupe, o le tupe a ua maua, ia talia ma le fa’afetai ma fa’asoasoa tatau.

Sa ta’ua e Sonny o ia e ave lana fa’amuamua i lana fanau ma lona aiga. 

O le mafua’aga lea o lo’o talosagaina ai e ia se fesoasoani mo le latou vai, aua e le o’o atu se suavai i le latou fale.

“Talu ona matou omai ii, e le’i ola lava le matou vai,” sa ia fa’apea mai.

“Ua uma fo’i ona matou fa’afeso’ota’iina le Matagaluega o Vai aua lenei mataupu, ae peita’i e le’i toe maua lava se tali.

“So’o se tagata ola e mana’omia le suavai ma o lenei itu, matou te maua mai se suavai mai le tua’oi, ia o le galuega tele.

“Toe fa’apoopopo atu ai ma le tau totogiina o pili aoga a tamaiti, fa’alavelave fa’afuase’i ae toe popole fo’i i le su’ega o le vai i aso uma, e le malolo le mafaufau.

Talitonuina pea e Sonny e iai lava vavega tutupu ma o lo’o talotalo pea o ia ia taunu’u ma le manuia lana talosaga mo se suavai.

“O le tali a i mea fa’apea, o le tatalo e maua se auala e foia ai nei fa’afitauli.

“Pau a o sina talosaga aua fo’i se ola lelei o lo’u ia aiga.”

AL
By Aruna Lolani, 12 April 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?