Mana’omia lava se galue

FT
By Fetalai Tuilulu’u, 12 May 2017

E le fua tasi lava i se tagata lenei le itu i Samoa. 

O le tatou iloa lea o le tele o le galuega fai a matua mo le lelei o tatou le fanau ma le tausiaina o le fanau  e ao ai foi ona tatou malamalama ma fa’afoi atu le alofa o matua ia te i tatou. 

Ae le mafai foi ona fa’atino nei itu pe a leai se tupe ma le faigaluega foi. 

O lea le manatu tonu lava o le ali’i ia Atapana Simone o Luatuanu’u i le maua ai le fa’atalatalanoaga ma le Fofoga o Samoa le aso ananafi. 

“Ioe o lea le itu, aua foi e le’o toe po se lilo o matua lava o lo’o na gafa ma le fa’afilelei ina o tatou le fanau, sa taumafai lava i le tulaga e gata ai le mafai aua lava fanua ina ia manuia. 

“Ma o le tulaga tonu foi lea o le naunau ina maua se galuega e totogi ai pe tausi ai foi le aiga. 

“Ou te ta’utino atu e fia maua se galuega ma o lo’o o’o fia galue i le taimi nei. 

ADVERTISEMENT

O lona foi manatu o le su’eina o le galuega e le’o se tulaga faigofie aemaise lava i tagata pei o ia.  

“Ia pei foi o le lua tau mai, paua lava ia o galuega e maua e tagata e lei uma le aoga.  

“E le mafai ona faigaluega i ofisa pe a lelei ni aoga, a le faigaluega lua o le auala e fai fa’atoaga.  

“E leai se agaga ia te a’u ou te le fa’amalosia a’oa’oga, ae o le tulaga lava ia a lē lelei aoga e iai lava le naunautaiga i nisi o auala aua lava le tausiga o aiga ma le lumana’i manuia o fanau.  

“Ia te a’u lava ia, e mo’i a e lē lelei ni aoga ae o lo’o ia te a’u se taleni e maua ai ni auala e saili seleni ai aua lava aiga ma fanau.  

“Ae e le mafai ona ou tausia lo’u aiga pe a aunoa ma se galuega.  

Sa ia taua foi e taua lava le tupe e le gata o le ola ae o le lima tamatau o lona aiga. 

 “O lo’o ia te a’u foi se naunautaiga ou te faigaluega ai ova taimi pe a tusa lava ma le naunautaiga e fia maua se galuega.   

“Ou te lelei lava i so’o se galuega ma ou te fiafia foi e fa’asoa atu le tomai o le tausi aiga i nisi foi o lo’ o pei o a’u.  

FT
By Fetalai Tuilulu’u, 12 May 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?