Talosaga mo se suavai

FT
By Fetalai Tuilulu’u, 12 March 2017

O le tulaga lava ia le sūavai e le’o se vaega tau fa’alia le tele o aiga o lo’o mafatia i le lē maua le fa’asoa le suavai. 

Mo le aiga o Misa Eneliko o lona lea fa’afiatuli o lo’o iai nei o le faigata le mauaina le suavai ma le lē o’o atu le fa’asoa le suavai i si ona aiga. 

O lana lava lea galuega i aso uma o le au sulusulu solo e su’e se suavai aua lava lona aiga. 

O lo’o nonofo nei le tamā 39 tausaga le matua le soifua ma lana fanau i Leulumoega Tuai ma  sa ia fa’ailoa e to’atele lava aiga o lo’o maua lea fa’afitauli. 

“O la’u lava lea galuega masani o le asa i gatai le a’ai e la’u mai ni vai, ona ua o le lē o’o mai le suavai i uta nei ia matou. O lana lea tala i le Fofoga o Samoa. 

“E tusa ma le 7 nei tausaga o faia lava lea galuega o le la’u mai o vai ma out e ta’utino atu le le’o se galuega faigofie.

ADVERTISEMENT

“Sa ave lava le talosaga i le matou pulenu’u ma sa o’o lava le matou faipule ae peitai o’o mai lava i le taimi nei e lei maua mai lava se tali.

O le taimi nei o lo’o nonofo Misa ma lona aiga i gauta le togavao ma o le ala foi lea o le lē o’o atu ai se suavai ona o lona e leai ni aiga i gauta ae o lona lava naunautaiga e tatau lava ona iai se suavai aua meaai ae maise lana fanau aoga. 

“Ua ala ona matou o’o omai uta nei ona o le faigofie i tulaga tau galuega i le maumaga. 

“Ia o manuia lava mo aiga ae pau lava lea se mafatiaga o lo’o ia te a’u ma si o’u aiga o le tulaga i le suavai.  

“Pei na fai atu le taimi ua sola, sa talosagaina lava ma ua fai si leva ae peitai e o’o mai lava i le taimi nei o lo’o mafatia lava i leai se sauvai. 

“O le taimi nei foi e leai se matou eletise peitai e sili atu ona mana’omia le suavai aua a leai se vai e leai mafai ona maua le isi ola fou mo le isi aso. 

Sa ia fa’ailoa ana lava se seleni ua leva ona fa’aola atu le paipa peitai e lē lava le fa’asoa aua o le maumaga lava o lo’o tua ai. 

“O le taimi nei o lo’o fa’amoemoe lava le aiga i fua o fa’atoaga e maua ai se senei, ana iai se tasi e faigaluega out e talitonu ua leva ona ea le pologa o le lēai se suavai. 

Mo se tasi e fia fesoasoani ia Misa e maua le feso’otaiga i le numera 7796325

FT
By Fetalai Tuilulu’u, 12 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?