E i ai le alofa pe ā ote tinā

SS
By Sarafina Sanerivi, 14 January 2017

 “I a te a’u lava ia  e pei o nai tinā lava e paū ai le tele o le mau o fe’au, tiute ma galuega aua o lo latou lea fa’alupega.” Fofoga Lavea , 56 le matua o le soifua o Leusoali’i.

I le fa’atalatalanoaga ai ma le tinā na ia fa’ailoa ai le tele o vaega e gafa ma tinā i totonu o aiga ma a leai , e le mafai ona ola lelei se aiga.

“Ia ua tele lava tala tusitusia e fa’atatau i si o matou pito la’au ia ae fiu fa’amatala e le taitai ona uma ai le fa’amatalatalaina o latou tiute.

“E le fa’apea la o le a ta’u leagaina ai le tele o nai tamā ae o le uiga lea o la’u tala o lo’o taumafai e fa’amatala o le aoga ai  o le taumafai ai pea lea e fa’ailoa nei tulaga uma e le gata mo le asō ae mo le aga’i atu ai le lumana’i.

“I a te a’u ia o lea e pei o le olaga lea o le fanau e atagia ai le tinā o se aiga, aua fo’i o le galuega lea e fai a’o laiti fanau aemaise lava i fanau teine.

“O le fa’asino i ai o le fufuluina o ipu, o le tagamea, o le taeina o le otaota, o le lalagaina o le fala, o le savali , tu ma le tautala.

ADVERTISEMENT

“E iloagofie fo’i le tamaititi ua taumamao ma vaega nei, ia ua o tatou silafia uma lava, ua matua’i mamao lava ma se fa’aaloalo.

Na ia ta’ua le ‘ese’ese o le tinā ma tamā.

“Ia ua iloga tinā i lo latou fa’alupega o le pae ma le auli.

“I totonu o aiga, a ita le tamā e vavevave lava ma e pei e le lava upu ae vave ona oso le lua i le fa, e uma ane le ita i nisi taimi ia ua le aoga.

“O tinā latou te le fa’atinoina lea tulaga, ae o nisi o taimi e sasa maini fo’i le le, ae pei e fa’alagolago lo matou itupa e tu’i i tamaiti.

“E fa’ailoa  lo matou ita, i le otegia i le tulaga fo’i le le ia iloa e tamaiti le sa’o o le itu lea e taumafai atu ai ae o lo’o afifi atu ai se feau taua i lo latou ola.

“I a te a’u ia e faigofie i tamaiti ona fa’alogo i o latou tinā nai lo tamā, ia e pei o le itu lelei lea o le a i ai o se tinā i totonu o aiga.

“Aua o i latou e gafa ma tiute ese’ese mo le atina’eina o so’o se itu aua le manuia auiluma o aiga, nu’u ma ekalesia.

SS
By Sarafina Sanerivi, 14 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?