Fa’afetai tele lava S.C.B.!

VM
By Vatapuia Maiava, 16 October 2016

O le agaga fa’afetai na fa’aleoina e le tamā i a Siaosi Tuitama, 64 e matua o le soifua i le Fofoga o Samoa i le aso ananafio  ina ua tatala mai e le Samoa Commercial Bank le avanoa mo Nonogatupe Laiti mo i latou o lo’o taumafai e atina’e fa’ato’aga i totonu o le atunu’u.

“Ou te iloa lava e a’u ia ia o le agaga fa’afetai lea i le Samoa Commercial Bank mo lenei avanoa ua tu’uina mai mo i matou o lo’o taumafai mo fa’ato’aga.

“Ou te ta’utino atu lava o a’u e tele le fanua ae le tele ni fuala’au aina o lo’o mafai ona tōtōina ai ona o le le lava o le fa’asoa i le tele o taimi.

“Ia e pei ona e va’ai atu nei, e pau lava ia o fua o fuālaa’u ‘aina o lo’o mafai ona tōtō ma ola , ona o le isi taimi e pei e tau fa’ailoga fuala’au le palapala.

ADVERTISEMENT

 “O le tala sa’o atu e le tele se tupe e maua ai se taga fa’alelei palapala, e maua mai seleni ona toe ave lea e fa’asoasoa i nisi o vaega mo le tausiga o le aiga.

“A mafaufau fo’i ni fa’alelei ele’ele e pei o le tupe na e maua mo le lua aso pe a fa’atau atu i le mamalu o le atunu’u fuala’au ‘aina.

“ Ae fa’afetai i le Samoa Commercial Bank mo lea fa’alauiloa mo matou nei o lo’o tau atia’e fa’ato’aga.

Na ia ta’ua o le agaga maualuga o lo’o taula’i ai i le taimi lenei ia i ai se lumana’i tele o fuafuaga nei pe ā taunu’u mo ia ma le aiga.

 “Aonu a maua se avanoa e apalai ai ia  o le a tele ni avanoa lelei, ma o se agaga fiafia tele lea mo a’u. “O le miti ina ua ou fa’alogo i le fesoasoani a le Samoa Commercial Bank, ua amata ona ou va’ava’ai i se toga pinati e fa’aaoga ai le vaega ele’ele o lo’o o’u galue ai i Faleasi’u.

“Ia masalo o le a tele se tupe o le a mafai ona ou fa’asaoina mai , ona o lea fesoasoani matagofie a le faletupe. 

“O fa’afitauli e pei ona ou maitauina i le tele o taimi , ia masalo o le a maua le fesoasoani i lenei taimi mo i matou ma le aiga aemaise o le va’ava’ai ai pea i le lumana’i mo se fesoasoani mo le aiga.

VM
By Vatapuia Maiava, 16 October 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?