Falepuipui se Tamā faalumaina ona o se solitulafono tau feusua’iga

PM
By Pai Mulitalo Ale, 17 July 2016

Na tu’ipala e le Faamasinoga Sili le amio a se tamā e 40 tausaga le matua o ia lea na ma’ito ai lona afafine fai e 13 tausaga le matua.

I le faasalaina o lea alii mo le mua tausaga ma le ono masina, fai mai le Alii Faamasino o Lesatele Rapi Vaai-o lana amio e mataga ma e tatau ai ona tuuina atu ia te ia se faasalalaga e a’oa’o ai sana lesona.

Ae le gata i lea, fai mai le Alii Faamasno o Lesatele-o lea faasalaga e tatau ai ona auina atu ai se lapata’iga  i isi alii e faapea o sea amioga mataga e le talia ma o le a le tuuina atu e le Faamasinoga se avanoa i se tasi e faasalaina i lenei solitulafono.

O le suafa o lea alii ma soo se faamatalaga auiliili e ono iloa ai o ia-ua taofia ina ia puipuia ai lē ua afaina. Ae o le tina o lea teineititi e 13 tausaga le matua ua faaipoipo i le itu tete’e. O le loia sa gafa ma moliaga o Fuifui Ioane o le Ofisa o Moliaga a le Atunuu a’o le itu tete’e e leai sana loia.  Sa feagai lea alii ma moliaga e 36 tau feusuaiga ma se tagata laititi ma ni moliaga se lua o sauaga e le talafeagai ai. 

ADVERTISEMENT

.Ina ua faauluina se tagi tau le nofosala i lea moliaga, na toe faui i tua e le Vaega o Moliaga moliaga e 18 tau feusuaiga, ma faaauau ai loa i moliaga o loo totoe ai E tusa ai ma se lipoti a’o lei faasalaina, na faaalia e le itu tete’e i le Ofisa Faanofo Vaavaaia e faapea o le 2013na ia vaaia ai  le na afaina e pei e amio fia tautalaitiiti ia te ia.

Fai mai a ia o lenei faiga na o’o i se tulaga-ua na ta’u atu ai –e alofa ia te ia. Na ta’iutinoa e le tamaloa  le la faiga-aiga ma lea teine i le tele o taimi se’ia o’o lava ina ma’ito o ia. I le faagasologa o le suesuega, sa faaalia e faapea o lea sootaga tau feusuaiga na tupu i afiafi ma poi  le fale a’o toesea le tina o le na aafia i isi galuega. 

E le’i numi lava le saunoaga a le Faamasino o Lesatele e ala i lana faaaliga i le itu tete’e. Fai mai a ia o se faasalaga ua talafeagai ai mo lenei ituaiga o solitulafono-ina ia auina atu ai se fe’au e faapea-e le talia e Faamasinoga a Samoa ia ituaiga o amioga.

Sa mana’omia foi e le Faamasino o Lesatele ona lapata’ia le atunuu atoa e faapea o le faaaoga sese o se tamaititi e le talia ma o loo i ai tulafono a Samoa e puipuia ai teine talavou..Na ia faaalia ona atugaluga e uiga i tiga tau le mafaufau ma le tino sa uia e lea teineititi i le faagasologa o lenei mea faigata, aemaise ai lava ina ua faaaoga o ia e se tagata lea sa tatau ona vaaia ma tausia o ia. 

O le faatinoina la o le mea na ia faia, o le iuga a le Faamasioga e faapea ua faalata e lea alii le talitonu atoatoa o lea teine talavou ia te ia i le avea ma tamā.

Sa faaaoga e le Faamasino o Lesatele le lima tausaga e avea ma amataga mo le faasalaga. Ona toese ai lea e le Faamasinoga le 18 masina mo le vave ona ta’utino o lona nofosala, o le faaiuga a le fono a le nuu ina ia faasala o ia ma le mea moni e faapea ua na faaalia lona salamo ma le faanoanoa i le mea na ia faia. I le faaiuga, na faasala le itu tete’e ma tuuina atu mo le 2 tausaga ma le ono masina mo le moliaga e tasi tau feusuaiga ma le ono masina mo le osofaia e le talafeagai ai-ae ia tuli faatasi.

PM
By Pai Mulitalo Ale, 17 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?