Fiafiaga sili pe a lelei fanau

SS
By Seia Soloi, 11 April 2017

O galuega ua maua o le faamoemoe autu lava ina ia galue aua le sailiiga lea o le mauia o fanau aemaise le tausiga o aiga. So’o se galuega lava ua valaauina ai le tagata o tofiga uma na mai le Atua.

O le manatu o le tama ia Fiu Ioane, 51-tausaga ma ii le afioaga o Saleimoa ma Sili,Satupaitea. Sa faigaluega ao le taimi nei, ua tali mai ona manaoga o le maua ai lea o galuega a le fanau. E to’avalu ona alo.

“To’alua o lo’o faigaluega i le taimi lenei ma o leisi vaega o lo’o taumafai lava i le taufaasi’usi’uga o le ola taumafai i aoga aua e saili lava e le tamaitiiti lona ia lumanai ae le’i le ola faalagolago i matua, aua e le nonof ai pea i aso uma” o lana tala lea i le Fofoga o Samoa.

ADVERTISEMENT

I le maitau a le tama, ua tele faafitauli i lenei vaitaimi i le toatele o tagata ua le toe fia faigaluega, ae mo ia lava ia na te talitonu a tali mai lava fanau o le mea sili lea ona lelei.

“A lelei mai lava fanau ma tali ma ii manaoga o matua, o se fiafiaga sili lea mo matua aua o le a le taumate le iu manuia o taumafaiga a fanau.

O lona manatu sa iai ina ia toe saili sana galuega e fesoasoani ai i lona aiga, aepeitai ua tonu i lona mafaufau ua lava ma totoe lana fanau.

“A manuia fanau o manuia uma lava lena o aiga, aua o fua ia o galuega a matua ina ia manuia le lumanai o fanau.

E na te talitonu e omai faatasi lava suiga ma luitau o le olaga, ae peitai o mea ia e pau lava i luga o matua ma aiga.

“O le pitolaau lava ia lena a matua, o le faatonu ma aoai o fanau i ala e tatau ona uia aua a lelei matua e le tauilo foi le manuia o aiga.

SS
By Seia Soloi, 11 April 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?