E sili lava Samoa

By Sarafina Sanerivi 13 January 2017, 12:00AM

O le aso ananafi na maua ai le fa’atalatalanoaga  a le Fofoga o Samoa ma Allis Letufuga, 33 le matua o Vailima a’o i ai i Samoa mo le asia o aiga.

“Ia ua savali ma le lausefulu tausaga o to’esea ma aiga ona o sailiga lava o manuia e pei ona masani ai nai o tatou aiga i’inei i Samoa.

“O le itu mautinoa lava, ia e sili lava si o tatou atunu’u i mea uma e pei ona masani ai le olaga o tatou i Samoa.

“O fea lava e o aga’i i ai lenei lalolagi , e  leai se atunu’u e fa’atusa ai le olaga na ola ane ai i si o tatou atunu’u.

“Ou te iloa fo’i e a’u ia, ia o lea le tulaga o lo’o i ai fo’i le tele o lagona o nai o tatou tagata o lo’o i nisi fo’i o atunu’u o le misia o Samoa.

“Ia o le asia mai fo’i o aiga ia o se tulaga fiafia tele, e pei e i ai lava le tupe lena e fa’apelepele lava i le tausaga e sau ai loa 

“O fea lava e alu i ai lenei olaga ia e pei o le fa’amoemoega atoa lava o le toe fo’i mai le atunu’u.

“Ia o le aoga ai fo’i o le fai ma asia mai aiga aua e omai fo’i ia va’ava’ai o a ni vaega o fa’aletonu ia mafai ona toe fo’i ma mafaufau mai ina ia toe fa’aleleia.

“Aua e pei o i’inei lava e omai ai, ia e manaia lava le fo’i mai ae o lo’o i ai sina vaega fo’i le le e iloa ai o la na alu i Niu Sila ma fai mai se mea aoga mo Samoa.

“Ae o le olaga lava ia o lo’o i ai Samoa, ia e pei ona fa’ailoa  e i ai lava vaega e sili atu ai nai lo fafo, aua e totogi le mau pili, o fale ma nisi o vaega.

“Ae o Samoa ia a maua lava le fa’alifu ma le ti, ia o lena lava le aso, ae  o lo’o fiafia mea uma.

Na ia ta’ua o le toe fo’i mai ai le tele o taimi o se fa’atupu malosi lea.

“Aua fo’i a sau i matua, ia o fautuaga o timaiga e maua mai ai, aua o le tele o tausaga e valavalava ai.

“Ia e toe fo’i i atunu’u ia ua lava taoso fo’i le tausaga atoa i fautuaga ma le tele o itu lelei.

By Sarafina Sanerivi 13 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>