Fa’alagolago i le la’au o le ola (niu)

FT
By Fetalai Tuilulu’u, 14 February 2017

O le talitonuga o nisi o le niu o le la’au o le ola. O Ofisa Lealofi, 51 tausaga o le soifua mai Aopo, Savai’i ma Alafua o le upu moni lava lenā. 

E to’atolu ona alo, ma o lana matāfaioi o le fa’atau atu lea o niu i le ta’i $2, ma e o’o lava I le $100tala le tupe maua a lea tamā i le aso, e fua lava i le tele o ana niu e fa’atau.

Ma e le faigofie.

Ma i lona matua o lo’o ua i ai nei e fai lava si faigatā i le tamā ona toe a’e i le niu. Ae a o’o ina loulouā le tau ua atili ai ona fa’afaigata i lea tamā ona fa’atinoina lana galuega.

Ae o ia itū uma ua silafia lelei lava e Ofisa.

“O la’u lu’i lava I a te a’u a ou le galue o le a fiaa’ai lo’u aiga,” o le saunoaga lea a le tamā.

“Ma o le ala fo’I lea e ala ai ona ou le fiugofie.”

Ma o le talitonuga fo’i o Ofisa e tutusa lava ma le talitonuga o to’atele o nisi ua fai lava si taugatā.

ADVERTISEMENT

“Sefulu talā I le vaitau lenei e pei lava o le 10sene,”o lana saunoaga lea i le fofoga o Samoa.

“Ao o lona manatu e ao pea lava ona tatou galulue malosi.

 “A le galulue e i’u lava ina tatou le maua ai se mea. “Ae a fa’alagolago fo’i i isi e uma a’ena e leai se tamaoaiga a le aiga e maua mai ai.

“O la’u lu’i i le to’atele aua ne’i avea le taugatā o le soifuaga ma ala e fa’avaivaiina ai tatou mai i le ola galue. 

“Ia e galue lava i lo’u fanua ma fai i lou malosi uma lava ae faitalia le Atua ma fa’amae’aina uma isi mea.”

O le tamā i a Ofisa e fa’atau niu i le 6 aso o le vaiaso.

“o le ala lea out e fiafia tele ai i la’u galuega ona e totogi aso,” o lana saunoaga lea.

“O mea uma lava e afua mai i le alofa ma o lena alofa e afua mai i totonu o aiga.

“O le matāfaioi muamua lava a le tamā o le tausiga lea o lona aiga.

“E ao ona tatou galulue fa’atasi ina ia mafai ai ona tatou fo’ia fa’afitauli.

“O le olaga e faigata ae o le ola manuia foi e matagofie.”

FT
By Fetalai Tuilulu’u, 14 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?