Mea faatiga ona o lologa i Moamoa

14 March 2016, 12:00AM

Tusia - Vatapuia Maiava

Faaliliu e Seagaitumua Tupuola

 

O taimi uma lava e mamafa ai timuga i Samoa-e tafe le vai-simā lea e i Moamoa. Ma i le tele o tausaga-ua avea lava lea tulaga ma puna e masani ai o mea faatiga mo tagata o loo nonofo i lea vaega-eleele.

O lea vai-simā o loo ta’oto i luga o le ala e na o le tasi e fesootai ai le nuu ma tagata uma o Samoa latou te sopoina lea vai simā-talu ai ona pau lea o le mea e tatau ona fai, ae a pa loa –ona avea lea ma faamata’u i le saogalemu.

O lea vai-simā ua leva tausaga o i ai pea faatasi ai ma lea lava faafitauli-ae leai lava se mea ua faia e uiga i lea tulaga aemaise ai lava-o le i ai lea o ni a’oga autu i lea vaega-eleele e pei o le Kolisi o Sanele ma Kolisi o le Telosia a le Katoliko. 

O le faateleina o taavale feoa’i e faataamilo i lea vai-sima e mafua mai le fefefe o avetaavale  i lo latou saogalemu ma musu ai e sopo’ia lea vai sima-o se vaaiga maua pea i soo se taimi e timu ai.

O Maanaima Aloali’i, o se Faife’au lea e nofo i Moamoa, ua le fiafia lava i le tulai soo mai o lea tulaga. “Sa tatau ona latou fausia se auala laupapa lelei i aso e tele ua mavae-talu ai-e tupu lava lenei faafitauli i taimi uma e mamafa ai timuga i totonu o le atunuu,” o le faaaliga lea a Mr. Aloali’i. “O tagata e taumafai e o i galuega ma tamaiti e tatau ona o i le a’oga –ae a timu-o le a tuai tagata uma talu ai-e tatau ona latou faatali mo le tafe se’ia te’a.” O vai simā tatafe ua faamaonia le avea ma faatiga-ulu mo Moamoa mo le tele o tausaga e o’o mai i le taimi nei.

“Na te taofia tagata uma ma o se matua faatiga ulu lava….aemaise ai lava pe a taumafai tagata e fia o’o i aiga ina ua mavae se aso umi o galuega ma e tatau ona latou feagai ma le tafe o le vai-simā lea o loo taofia i latou mai o latou aiga,” o le faaaliga lea a Mr. Aloali’i. 

 “E malosi tele le tafe a le vai lea e pogai ai ona mata’utia mo tagata uma lava. I le taeao nei-sa i ai se laina umi o taavale sa faatalitali mo le tafe a le vai se’ia maui.” E to’atele tagata ua se’e ese mai Apia i Moamoa ma o le pogai autu lea e matua tatau ai i le malo-ona fai se mea e uiga i lenei mataupu.

“O Moamoa o se nofoaga fou lea mo tagata i le taimi nei ma o loo ia i matou tagata e masani ona nonofo i le taulaga ua se’e atu i Moamoa,” o le faaaliga lea a Mr. Aloalii.  “O lea tulaga ua faaopoopo ai le faitau aofa’i o le nuu ma i le taimi nei e mafai ona e vaia le toatele o tagata ia o le a pagatia ma ona pau o le vaifofo-o le fau lea o se auala laupapa lelei e pei o le auala laupapa i Sinamoga.”

14 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>