Manuia Tele le 85 Tausaga o lou Soifua Mele!

DF
By Deidre Fanene, 15 July 2016

O se aso fiafia tele mo le afio’aga o Salua-tai i Manono, ina ua fa’amanatuina ai le Lona 85 tausaga o le tina-matua o Mele Luatutu Pupuali’i, e ona alo, fanau a fanau, o fanau a fanau a fanau fa’apea le afio’aga. 

Sa malaga mamao mai Ausetalia, o Niu Sila, o Amerika ma tulimanu uma o Samoa nei, aiga ma uo a le Tina o Mele mo le faamanatuina o lona aso-fanau, ae maise le fa’afetaia o Le Atua ona o Lona Alofa i lo latou tina. 

ADVERTISEMENT

Na ta’ua e Luatutu Anitele’a, ma fa’aluaina fo’i e ‘Au’apa’au Tanielu, o se aso  fiafia tele, na atilili mata’ina ai ona o siva ma fa’afiafiaga sa saunia lava e tupulaga laiti e tutupu mai lea tina ae maise fo’i o le keke na saunia fa’apitoa mo lea fa’amoemoe. 

 “Sa ‘auai uma i le Aso Fanau susuga a fa’afeagaiga a Salua-tai, lea sa saunia le lotu fa’afetai i Le Atua, ona o Ana fa’amanuiaga fa’apitoa mo le Tina o le aiga ae maise le aiga atoa.”

“O Mele, toe pau lea o le alo o Luatutu Fua ma Sapini ‘Ai’ono Luatutu o lo’o soifua nei, ma sa fa’aipoipo atu ia Letasi Molesi Pupuali’i – ua maliu. E to’aiva o la alo, 29 fanau a fanau ma le to’asefululua o fanau a fanau a fanau.

O le Aso 02 o Iulai e pa’u tonu iai le aso fanau o Mele, peita’i, fa’atoa fa’amanatuina i le Aso To’ona’i 07 o Iulai, 2016.”

DF
By Deidre Fanene, 15 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?