Ia usita’i

DF
By Deidre Fanene, 13 February 2017

O le usita’i e sili lea i le ga’o o le mamoe po’a.

O lea le talitonuga o Moveni Ti’aseuga, 32 le matua o Vailima i le fa’atalatalanoaga ma le Fofoga o Samoa i le aso ananafi.

“Ia masalo o le tele lava o tupulaga talavou olo’o ua I ai nei e pei e ala ona o’o ai fa’afitauli i lo latou ola, ia o le le mafai lava lea ona ola e usiusita’i lelei I matua e pei o lea lava le tulaga na ola ma soifua mai ai le to’atele.

“O lo’o o tatou to’a’aga fo’i e aga’i le lotu, ia o lea lava le naunauta’iga o lo’o ua i ai le taimi lenei.

“O le taumafai lava i le mafai mo le lelei alu i luma o le atunu’u, ae le gata i lea ia o gatusa ma a’oa’oga a le Tusi Paia.

“Ia a’oa’i le tama e tusa ma ona ala a o’o ina matua e le toe te’a ese ai.

“O lea lava le fa’amoemoega tele o matua, ma o lea lava e le mafai ai fo’i ona tu’u ai pea la latou galuega o lo’o fa’atinoina i le po ma le ao.

ADVERTISEMENT

Na ia fa’ailoa o ta’aloga o se tasi lea o vaega o lo’o ua amata ona fesoasoani fo’i.

“Ia e pei e leai lava se mea e tasi e leaga o lenei olaga, e o’o lava i ta’aloga.

“E ala fo’i ona tupu mai vevesi ia ua le fa’aaogaina lelei fo’i mea faigaluega na aumai mai luga e fa’aaoga lelei.

“Ae pei o nisi nei o vaega e fa’apena ona fa’atumu lelei ai o tatou taimi , ae le tatau lava ona fa’ailoa i ai so tatou ola fia ulavavale ae fa’aaoga tatau.

Na ia ta’ua o lo’o gasolo lelei lava mea uma i totonu o le afio’aga.

“Ia e pei ona silafia ai, ia e leai se mea fa’aletonu i si o matou nei fo’i pito, o lo’o fa’apena ona sologa lelei mea uma i le alofa ma le agalelei o Tamā.

“O lo’o malu fo’i pulega a matai, ia e pei o vaega nei o lo’o ua lelei ai lava le fa’agasologa ai o lenei fo’i tausaga ua amata.

“Ia tatou talosia ia le amataga o lenei tausaga i fe’au ma galuega, ia masalo o le a i’u ma le manuia mea uma.

“Pe a o tatou taputapua’i ma le  filemu. 

DF
By Deidre Fanene, 13 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?