Feagai le Sosaiete a Loia ma se tagi e miliona talā

13 August 2016

Ua faamaonia e le Sui Peresetene o le Sosaiete a Loia o Samoa, o Alalatoa Rosella Papalii-se tagi e faasaga i le Sosaiete, ua tuuina mai e le loia e faamautu i Niu Sila, o Leulua’ialii Olinda Woodroffe. E ui lava ina sa le mafai e Alalatoa ona faamanino mai ia auiliiliga, e tali mai ai i fesili mai le Samoa Observer, ae fai mai a ia ua uma ona tuuina mai i le Sosaiete pea o ia taualumaga. “Faamolemole ia matau mai e le mafai ona ‘ou faia soo se faamatalaga i le taimi nei e fai ma sui o le Sosaiete –talu ai e tatau ona matou mulimuli ma puipui le mamalu o a matou lava taualumaga e faasino i lenei ituaiga o mataupu,” o le tusi mai lea a Alalatoa. 

 “Ae o le itu e tatau ona faailoa atu, e mafai ona ‘ou faamaonia i le taimi nei ua uma ona tuuina mai e Ms Woodroffe taualumaga ia o le tuuina atu- mo le iloiloaga i le fono a la matou Fono lea ua faatulaga mo le aso 18 o Aokuso 2016.” 

 “Ona matou iloa ai lea ina ua mavae lea fono pe faapefea ona matou faafeagai ma le talosaga a Ms. Woodroffe e aofia ai ma le faatonuina o se loia e tula’i mo le Sosaiete ma le tali talafeagai e tuuina atu i totonu o le Faamasinoga pe a valaau mo le fofogaina muamua i le aso 19 o Setema 2016.” Sa le mafai ona maua mai se manatu faaalia mai ia Leulua’ialii anapo. 

ADVERTISEMENT

Ae peitai, e tusa ai ma se lipoti a le Radio New Zealand, ua molia e Leulua’ialii le Sosaiete a Loia o Samoa mo se tuua’iga tau le soli o ana aia tatau e ala i le faamutaina o ana pule, aia tatau ma tiute tauave. Fai mai lea lipoti o loo talosagaina e Leulua’ialii ina ia faaleaogaina le faaiuga a le Sosaiete e faamuta lona tusi pasi e le taofia ai lona faatinoina o ona tiute. 

O taimi amata o lenei tausaga na tuuina atu ai e le Sosaiete a Loia ia Leulua’ialii se tusi pasi e faasa ai lona faatinoina o le galuega.

I totonu o lana tagi na faaulu, sa tulai Leulua’ialii mo ia lava ma fai mai se le fofogaina o ia pe na faailoa atu e le Sosaiete a’o lei faia le faaiuga. 

Sa ta’ua foi e faapea na tusi atu le itu tete’e i le faamasinoga ma faatonuina le aufaigaluega e faapea e le o faatagaina o ia na te sainia soo se pepa a le faamasinoga.

Na ta’ua e le Tamaitai le tagi a le Sosaiete a Loia na uia ni laasaga faigata ma ua faaleagaina ai lona igoa ta’uleleia. Ua lipotia e faapea o loo sailia e Leulua’ialii se tulaga masani ma mea tau faaleaga faapena o loo aofai atoa e US$1 miliona

13 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?