Suavai ma le Eletise - o le ola lea o so’o se tagata soifu

SS
By Seia Soloi, 09 April 2017

E mafia ona faagaioi mea uma i totonu o le aiga e ala lea i feau masani o le aso, o galuega i aso masani o le tausiga o aiga ma fanau ae a leai se suavai e le mafia ona ola malolosi ma soifua maloloina le aiga.

O le mau lea a le tama ia Neemia Brown ma ii le afioaga o Nofoali’i ma Tufulele. O lana faamamafa ina ia vave maua atu le suavai mo le tausiga o lona aiga aemaise lana fanau.

“I le taimi nei e lei leva ona matou nonofo i le matou fanua lea ua matou iai ua mafua foi ona nofo ma ii le galuega ona o le faamuamua lava o le fanau aemaise le sailiiga o se suavai” o lana tala lea i le Fofoga o Samoa.

Na ia taua foi toatele nisi o aiga o lo’o tulai mai ai lenei faafitauli o le moomia lea o se suavai ma le eltise.

ADVERTISEMENT

“E le’o le pili ua tipi pe a ae ona ua pau lava o le galuega ua le o’o ma ii aiga pei matou i uta i le mea o lo’o matou nonofo ai.

“O le galuega masani lava lea i aso uma a le aiga nei o le la’u atu ai lea o vai mai ii le pamuvai a le Nuu aua o aiga uma o lo’o i tua e aofia ai ma matou e ola mai lava i le pamu vai“Ma e totogi foi lona faaaogaina aua e mita uma mea uma i le faaaogaina lea o le suavai i soo se aiga o le Nuu nei.

Ua le gata mo le suavai ae mo le eletise foi e le’o au iai le tosoga o le moli mo Neemia ma lona aiga.

“E faaaoga lava moli kalasini aua e pei o mea lena sa masani mai ai lava o tatou tagata i la aso aua o lea lava e taumafai i le mea e gata ai le mafia ina ia vave ola atu ina ia faafaigofie ai mo le feoai ai o aiga i nuu i tua.

Ma faailoa foi e le tama, o le naunautaiga lava ina ia maua e aia aemaise fanau se manuia mo i luma.

“O le galueaina lava o nei atina’e aua le manuia o fanau aemaise aiga pau lava le manaoga ina ia vave oo mai se suavai ma le eletise i lo matou aiga.

SS
By Seia Soloi, 09 April 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?