Mo se tupe fa’asili

IL
By Ilia L. Likou, 09 May 2017

O le sailia ai pea o se tupe fa’asili mo aiga i so’o se itu, o le finagalo lea o le tamā i a Tanielu Kaviku o le afio’aga o Malie i le Fofoga o Samoa i le aso ananafi.

I le fa’atalatalanoaga ma le Fofoga o Samoa na ia fa’ailoa ai le tulaga e pei ona ua i ai nei le taumafai ai pea lea ina ia tausia aiga i le mafai e gata ai.

 “E pei o lea lava le masani i aso uma o le aumai lea o popo e fa’atau i tai nei aua lava le tausiga o aiga.

“Ia e pei ona maitau atu atu ai, e $5 mo le sefulu popo ia a tele lava le la’u mai i luma iinei ia o le tele fo’i lea o nai seleni e maua i aso uma.

 “O lea lava le soifuaga o lo’o ua tatou i ai nei, o a lava mea ua maua e o tatou lima mo le atina’eina o aiga, ia o lea lava.

ADVERTISEMENT

 “Ia e pei o le amataga lava, e tau le ano lava i ai i popo, ae ua alualu ua va’ai atu lava ia ua maua ai lava le fa’alifu o le aiga.

Na ia fa’aalia o le tele lava o tagata  o lo’o ua taumafai lava ina i ai se isi la’asaga mo le aga’i atu ai le lumana’i.

 “Ia o lea lava le tulaga o lo’o i ai le taimi lenei, o le taumafai lava ina ia mafai ona galulue fa’atasi aua a taeao.

 “Ia o a’u sa ave ta’avale ae ina ua alu alu ua ma’i fo’i ia o le tulaga lea e pei ona ua galue ai nei mo le atina’eina o aiga.

“O le su’esu’e malosi lava, aua e le aoga fo’i le taumafai  atu ae o lo’o lagona lava le ma’i e pei e lelei lava le taumafai ae o lo’o atoatoa lelei le malosi o le tuno i taimi uma.

“O nei aso ia ua le tutusa fo’i le malosi e pei ona ua i ai lenei taimi , ia ae pei o lea lava le agaga ina ia atia’e aiga.

“E mo le taimi lenei mo le silafia ia o le taumafai lava e va’ava’ai se tupe maua lelei mo aiga i aso uma.

“Ae e pei ona fa’ailoa atu, ia o le tupe maua lava lea o lo’o fa’alagolago i popo e mafai ona fa’atau atu i nai o tagata i aso uma.

IL
By Ilia L. Likou, 09 May 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?