O le olaga i aso ua mavae sa faigofie mea uma

SS
By Sarafina Sanerivi ma Ilia Likou, 14 October 2016

O aso ua mave atu o aso lelei ia ma le saogalemu!

Na maua le avanoa o le Fofoga o Samoa i le aso ananafi e fa’atalatalanoa ai le tinā i a Aletaseta Lotu o le afio’aga o Safune i sona finagalo fa’aalia i le fa’atusatusaga i aso ua mavae ma aso nei.

“Ia ua tele lava le suiga ua i ai nei vaitau pe ā fua atu i aso ua alu.

“Ia o aso ia ua mavae sa ola filemu le tele o tagata aemaise lava matou i le aoga aua na’o le popo ma le esi e ave ai le ato aua mea’ai i le aoga.

“O aso nei,l a leai se tupe e tu’u i nai tamaiti ia ua le o le aoga, aua o la aso sa leai ni ato aoga ae pei sa lalaga ato ma tu’u ai totonu matou mea’ai e ave...ia e leai ni tele o ni ma’i aua e a’ai fiafia i aso uma.

Na ia ta’ua le tele o suiga o lo’o ua maitauina i totonu o le afio’aga.

 “Ou te manatua lava suiga o le nu’u  ma le filemu o pulega sa i ai nai toeai’ina i aso ua mavae ma sa faigofie le tele o vaega fa’atino.

ADVERTISEMENT

“E o’o fo’i suiga o le nu’u iinei, sa i ai nai toeaina i la aso, sa manaia lava le tausiga o le nu’u leai se mea gasē.

“ Ia ua tele faigata i nai tinā ma tama’ita’i ua tele ina le usiusita’i...aemaise tupulaga talavou ia a ua le pei o la aso sa tasi lava le leo e fa’alogo ai.

“E pei  e tele lava puapuaga i nei vaitau ona o mea e tutupu mai, ia o la aso e leai se ma’i, ia o le pia lava o lo’o fa’aleaga ai le tele o tupulaga e le pei o le manaia o la aso aua sa lelei ma saogalemu vaega uma. 

O lo’o solosolo lelei ma fiafia le soifuaga o le tinā o lo’o i ai i le taimi lenei.

“Ia o lo’o selaupasene leai ma se mea fa’aletonu.

“O lo’o malosi lava e gaioi i nai fe’au laiti i lea aso mai lea aso ia ma fa’amāmā le fanua ma tafā fale ia aua ne’i  i ai se si’osi’omaga fo’i lea e sau ai le ma’i.

“Ia  o le olaga  lava lea na ota sau i aso o aoga, aua o lo’u olaga ia e pei o le tele o  tausaga ia na  ou nofo ai le faife’au i a Reupena ma Simolo i aso la.

 “E pei la o lo’u nofo ai ia sa tele lava ina o’u alu ai i Tutuila ma Niu Sila, aua ana leai le faife’au ia e le o’o i ia atunu’u.

“Ae o lo’o manuia e ui lava e fa’alogo atu i nisi taimi ua le lava le malosi ia e inu lava fuala’au ma maua ai lava le fiafia e fa’aauau ai fe’au o le aso.

SS
By Sarafina Sanerivi ma Ilia Likou, 14 October 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?