So’otaga vavalata ma aiga

VM
By Vatapuia Maiava, 11 January 2017

“O le aoga o fe’au o lo’o fa’atinoina i totonu o aiga e mafai ai lea ona mausali le so’otagata vavalalata mo aiga.”O lea le finagalo o le tinā i a La’i Saua, 29 le matua o le soifua i Leusoali’i.

E afea e le Fofoga o Samoa La’i o lo’o ia fa’atinoina le tele o galuega i totonu o lona aiga i le taeao ananafi.

“Ia o lea lava le masani i aso uma, ma ou te iloa o fe’au a nei a le to’atele o tinā nofofale o lo’o mafai ona fa’atinoina i aso uma.

“O tagamea, o ipu, o le tapenaina o le fale, o le otaota ma le anoanoa’i lava.

“E pei e faigofie lava e le aufaigaluega le manava mai, o’o le taeao fai mai ia va’ai atu ota ofu ia e fa’amama ane, ia ae le faigofie.

“E sili atu ona tele a matou galuega o lo’o faia nei nai lo i latou o lo’o o atu i galuega.

Na ia fa’ailoa o lona itu lelei ai, aua o fe’au nei e matua’i mafana ai le so’otaga vavalata i totonu o aiga.

ADVERTISEMENT

“Ia mo le silafia ai o si o matou aiga e tolu ia o matou fale, ia e le fa’apea lava o le a ou le nofo ai ona ou le alu lea e tapena.

“O le malama ane lava i le taeao ia amata ona ou alu e tapena, a uma le isi fale , ia soso’o le isi fale, ia ma fa’ai’u mai ai lo matou fale ma le tamā o le aiga.

“I a te a’ ia e leai se tigaina o fe’au nei, aua fo’i o le tele o galuega nei na a’oa’oina ai a’u a’o o’u laititi mai si o’u tinā.

“E le taitai ona lagona se tigā o le tino aua e fai mea uma ma le loto fiafia.

Na ia ta’ua o so’o se galuega e na te fa’atinoina ae le loto i ai e ma’imau le taimi.

“Aepeita’i a’u ou te moe le po ae ou te mafaufau ua tuai na ao se’i ota sau e fa’atino vaega nei.

“O tagamea ia po o le a le tele i fea , e le taitai ona o’o se mafaufau e ave e vili pe a, aua fo’i ou te talitonu lava a’u i galuega a o’u lima.

“Ou te iloa o o’u lima o lo’o i ai le lelei o mea uma, ia ou te taumafai lava la e fa’atino a’u galuega i le mea e gata ai.

“Ina ia fiafia uma ai si o matou aiga ma maua ai pea le nofo lelei.

VM
By Vatapuia Maiava, 11 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?