Manatu O Le Fa’atonu

Fe
By Faaliliu e Seagaitumua Tupuola, 28 May 2016

Tuala Falenaoti: “Ae peita’i-o le a le mea ua tupu ae o lea ua loa ona lomia faasalalau e le Samoa Observer le mea moni.” 

Tuilaepa: “O ia mea sa le tatau lava ona faaalia faalaua’itele. O le faafitauli e faapea o le Samoa Observer o loo faafoe e vale.”

O le Asō, ua matou lomia ai ma faasalalau le faaauauina o le tala o se manatu o le faatonu e lima ona vaega. Ina ia mafai ai ona  outou silafia le faatulagaina atoa o mea na tutupu, matou te fautuaina outou ina ia faaauau pea ona outou faitau i ai i le isi lua aso. 

Ina ua tuuina atu e le itu tete’e lana finauga, sa talosagaina e le loia o Harry Schuster le faamasinoga ina ia faaleaogaina le moliaga e faasaga i lana paaga. O lana finauga e faapea ua le mafai ai e le vaega o loo gafa ma le tagi ona faamaonia- na iloa e Jin Jipei o le tusi folau Samoa i Sisifo lea na ia faatauina ma faaaogaina, e le faatagaina e le tulafono.  “E leai se molimau na tuuina atu e le vaega o loo gafa ma moliaga e faaalia ai e i ai se vaega a le itu tete’e i le tuuina atu o lea tusi folau,” o le faaaliga lea a Mr. Schuster i le faamasinoga. “I lona mafaufau, o lona manatu e aloa’ia le tusi folau. Afai e mafai ona ‘ou toe faaopoopo atu-ua matua mamafa moliaga o le itu tete’e. E na o le $100 le tau (mo se tusi folau Samoa.)”  Na ia ta’ua le $US3,000 lea na lipotia na totogi e lana paaga mo lona tusi folau i Tonga. 

Sa na ta’ua le $US3,000 lea na lipotia e faapea na ia totogi mo lona tusi folau i Tonga.

O le tasi itu, o le finauga a le loia e faapea atonu e “faavalevalea” le itu tete’e ma le sau i Samoa i Sisifo pe a na faapea na te iloa o le tusi folau o le a na faaaogaina e le aloa’ia faaletulafono.  O le mea moni, o le finauga a Mr. Schuster e faapea o le tusi folu sa i ai se “numera aloa’ia” lea e mafai ai ona aloa’ia lea pepa i le tagata na te faaaogaina.”O le tali atu-sa teena e Potoa’e Tanielu sa gafa ma moliaga. Fai mai lea tamaitai- o le tusi folau na faatau e le itu tete’e o loo faalia ai se igoa sese lea ua faaalia ai –sa na iloa lelei lava e ono mafai ona le aloa’ia faale-tulafono. Sa na faailoa atu foi e faapea o faamatalaga molimau ua uma ona tuuina mai i le Faamasinoga-ua faaalia ai e faapea na ia iloa lelei lava e ono mafai ona le aloa’ia faale-tulafono. 

Na ia faailoa atu foi e faapea o faamatalaga molimau ua i luma o le faamasinoga ua faaalia ai” e faapea ‘na maua e le itu tete’e lea Tusi Folau i Tonga e ala i ni tulaga masalomia.  Na teena e Lana Afioga Tagaloa le mau a le itu tete’e- fai mai “o le tulafono e faapito lava i le tagata ua agavaa na te maua se tusi folau ma le tagata na te faaaogaina.” Fai mai a ia e leai se moliamu ua i luma o le faamasinoga e faapea na iloa e le itu tete’e o lea tusi folau e le aloa’ia faale-tulafono, ae I ai lava molimau e tusa ai ma lea tulaga e iloa ai lona itu e ese ai. 

O se tasi o ia mea o le ofo atu lea e le itu tete’e”o se mama auro ma isi lava mea i se alii ofisa tau femalagaiga” i le malae vaalele ma talosagaina o ia ina ia faataga o ia e nofo, i le taimi na faailoa ane ai ia te ia o lea tusi folau “e le lelei.”  Ia manatua foi, sa faailoa atu e Lana Afioga le musu o le itu tete’e e faailoa atu le tagata lea na ia faatau mai ai le tusi folau, se’ia vagana ai lona ta’ua o ia i totonu o se tusi e faapea o “Mr Chan.”

Ina ua tula’i o ia e fai lana molimau-sa teena e Jin Jipei e faapea sa taumafai o ia e faase’e se alii ofisa tau femalagaiga I se “mama auro” ma isi mea. “ Fai mai a ia-o le taimi na tuuese ai o ia e se alii ofisa tau femalagaiga ina ua fesiligia le tulaga aloa’ia faale-tulafono o lona tusi folau-na una’ia o ia e se tasi e ave lana mama auro i le alii ofisa. Fai mai a ia sa mulimuli ane ona faailoa atu ia te ia o le faiga masani lava lea i totonu o Samoa..O lea alii ofisa o Siapo Pese. Na ia ta’utino muamua e faapea o ia ma Jin Jipei sa talanoa faa-Peretania i le malae vaalele i le po na taunuu mai ai Jin Jipei. O le taimi lena na “talosagaina ai e Jin Jipei lana fesoasoani,” o le faaaliga lea a Pese i le faamasinoga. Ae ui o lea, o lenei mau sa teena e Jin Jipei. “Na e fai ia Siapo:’Fesoasoani mai ia te a’u alii ofisa?”o le fesili lea a Lana AFioga ia Jin Jipei.

 “Leai,” o le tali lea a Jipei. Na ia teena foi lona fesili ia Pese i le Gagana Peretania pe o le tusi folau sa na faaaogaina o loo lelei. E tusa ai ma le tagata e le o iloa o“Mr Chan,” sa faailoa atu e Jin Jipei i le faamasinoga na te le iloa lelei o ia.  Na la fetaui e ala i se masaniga, o lana faaaliga lea. O se feiloaiga puupuu lea na faailoa atu ai e “Mr Chan”ia te ia o ia e nofo i Tonga, ma e mafai ona ia maua mo ia se tusi folau Samoa i Sisifo mo se tupe e “$US4,000.”

I le faagasologa o le faamasinoga-sa tuuina atu e le itu tete’e ni fautuaga e faapea o nisi o faamatalaga molimau na tuuina atu e le vaega o loo gafa ma moliaga-atonu e le’i maua mai i se tulaga aloa’ia faale-tulafono. E aofia ai le tusi folau Saina o Jipei ma se tusi na ia lipotia ua uma ona ia auina atu i le Ofisa o le Amapasa a Saina.

Ina ua fesiligia e le loia lagolago a le itu tete’e o Leulua’i Tasi Malifa pe na faailoa atu ia te ia e Leoleo o lona Tusi Folau Saina o le a faaaoga e faasaga ia te ia i le faagasologa o taualumga o loo fai nei, fai nai Jin Jipei e “Leai”. Sa fesiligia foi pe ua faailoa atu ia te ia le tusi na ia auina atu i le Amapasa a Saina-o le a faaaoga e faasaga ia te ia i totonu o le faamasinoga, ae fai mai foi o ia: “Leai.” Sa faailoa atu e loia a Jin Jipei i le faamasinoga “matou te le o lu’iina le ono mafai ona talia o faamatalaga molimau ae matou te talosagaina le faamasinoga ina ia faaaoga le mamafa talafeagai e tusa ai ma nei mea moni.”

O lea faamasinoga e tolu aso na fai ai. Na faataatia e Lana Afioga lana faaiuga. Ma o lena taimi-na aliali mai ai se Pepa Samasama a le Kapeneta”. O totonu sa i ai se ata o se fe’au aloa’ia sa auina atu i matagaluega uma lava a le malo; o loo fautuaina ai e faapea o le a tuuina atu e le palemia sa saunoga faa-Minisita i le tauaofiaga e soso’o ai a le Palemene.

ADVERTISEMENT

Sa faailoa mai foi e lea pepa e faapea o le Komisi Su’esu’e i faiga pi’opi’o tau tusi folau-ua mae’a lana suesuega ma o lana lipoti ua taunuu atu. Fai mai lea lipoti ua “faamaonia e le Komiti le i ai o se tulaga mata’utia i le Matagaluega Tau Femalagaiga” faatasi ai ma le tele o mea faaletonu ua leva ona tulai mai totonu mo se taimi umi.

 “Ona o lenei tulaga e le mafai ona faafitia e faapea o tusi folau Samoa sa tuuina atu i nisi e le o ni tagata-nuu o Samoa i Sisifo.O loo i ai se masalosaloga tele e faapea o loo auai ni tagata faigaluega o le Matagaluega Tau Femalagaiga, o nisi o i latou ua uma ona faamalolo.” Ma ona soso’o ai lea ma le sau o le vaega tau faasee: “O loo i ai se fuafuaga mo le Palemia ina ia ofo atu se lipoti i le Palemene i lana tauaofiaga e soso’o ai e ala i se saunoga faa-minisita.”

I lea la taimi-o lea ua manino mai le fe’au. E faapea o se saunoga faa-Minisita o le a taofia ai le Tulafono Tau Faaofi o Teugatupe Faafaigaluega i Fafo ma faiga pi’opi’o tau tusi folau-mai le talanoaina i totonu o le Palemene. O le ulutala o le itualu i luma o le Sunday Samoan o le aso 15 o Iuni 1997 e faitauina faapenei: “E leai se talanoaga o faiga pi’opi’o tau tusi folau e pei ona mafaufauina.” 

O le tali mai a tagata lautele ua filo faatasi ai le faatiga ma le le fiafia. Ina ua faataatia i luga o le Laulau-a-fono i totonu o le Maota-sa matua lē lagona ai lava -se talanoaina o faiga pi’opi’o tau tusi folau, ma sa tapā e le Itu Agai le talanoaina faalaua’itele o lea mataupu –ae sa teena. Sa tumau pea ona le gaoioi le malo, ma o le Sui Palemia o Tuilaepa Sailele sa matua musu lava. Fai mai a ia-e le fia talanoaina e le malo lea mataupu, piliota. Sa finau pea o ia:”E leai se aoga e aumai ai nei mea (i totonu o le Palemene).

E leai se taimi na faataga ai e le malo le faatau atu o tusi folau.” Sa fai mai foi o ia: “O le mea e tatau ona vaai i ai le Fofoga Fetalai –o pepa ma faila a le malo o loo ia te ia i le taimi nei. O le vaega tau atunuu mamao o lenei mataupu- e le tatau ona aumaia i totonu o le Palemene-ona e leai se aoga.  

“E faatoa mafai lava ona talanoaina e le Palemene lea mataupu pe a mae’a suesuega a Leoleo.” Ae peitai-e o’o lava i ana paaga i totonu o le Kapeneta-sa le fiafia i ai.O se tasi o i latou o le Minisita o Galuega o Le’afa Vitale. Sa tete’e i lea tulaga. Na tulai o ia ma talosagaina le Fofoga Fetalai ina ia talia “tuuaiga uma, faamatalaga molimau ma lomia e uiga i le faatauina atu o tusi folau i totonu o Hong Kong, mo le talanoaina e le Palemene.”

Ae ui o lea, sa tumau pea le musu o Tuilaepa. E le fia to’ilalo i se finauga. Sa toe tulai faafuase’i ma folafola atu e faapea e tumau pea lana tete’e, ona toe taamilo mai lea i le Samoa Observer, ma fai mai: Maumau pe ana fesili mai le Samoa Observer i le malo e uiga i faiga pi’opi’o tau tusi folau-semanu ua ta’u atu ia i latou le mea moni.”. A’o le’i nofo o ia i lona nofoa, sa tulai le Faipule o le Itu Agai o Tuala Falenaoti ma faauilavea: “Ae peitai-o le mea o loo tupu e faapea ua leva ona lomia faasalalau e le Samoa Observer le mea moni. “E le mafai ona toe teena le faatauina atu o tusi folau a Samoa i Sisifo i atunuu mamao i ni tau maoa’e.

Ona ia faatuina loa lea ia faataga faiga pi’opi’o tau tusi folau ina ia talanoaina e le Palemene

Ae peitai-o lea tulaga ua na ona faatetele ai o le manatu o Tuilaepa lea ua toe tulai ma faailoa atu lana tete’e.  “O ia mea sa le tatau ona faalaua’iteleina, o lana finauga lea. “O le faafitauli ona o le Samoa Observer o loo faafoe e vale.” 

O le Vaega 4 o le manatu o le faatonu Taeao, “O le taunuuga, na manumalo Tuilaepa

Fe
By Faaliliu e Seagaitumua Tupuola, 28 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?