Faigatā pe a e le finau

FT
By Fetalai Tuilulu’u, 08 May 2017

O le tamā i a Niufafo Faletui, 54 le matua o le soifua o Leusoali’i e galue i se tasi o kamupani e lalata i le taulaga.

Na ia fa’ailoa i le Fofoga o Samoa o le taimi lenei o lo’o ia taumafai lava ina ia mafai ona tausi le aiga i tupe o lo’o ua maua i taimi nei.

“Ia e tau mai nei o lenei fo’i ua aga’i mai le sami ona o le tulaga fo’i lea o le taumafai ina ia tausi lava aiga.

“E pei o lea lava le tulaga o lo’o feagai ma aso uma, a uma mai lava le galuega ia ua sau i tai nei e tau su’e atu se i’a aua se mea’ai a le aiga.

 “O le itu pito sili lava ona o tatou iloa lelei, ua tele lava ina o tatou galulue mo le tausia o aiga.

ADVERTISEMENT

“E le tatau ai la ona fa’alagolago tele i ma’umaga mo se tupe ae o so’o se itu lava aua le alualu lelei ai pea o aso uma.

 “O nei aso ia ua le tatau ona o tatou toe fa’alagolago i aso uma, e tatau lava ona su’e galuega mo le tausia ai o aiga.

 “Ua o tatou iloa lava e le tatau ona toe fa’atu’utu’u nisi i nei aso, ona o nei aso ua leaga.

Na ia fa’ailoa o le isi tulaga o lo’o ua feagai ai nei o le taugata o le tau o le soifuaga pe a fua atu i aso ua alu.

 “Ia ua maitauina lava i nei aso le ese’ese o aso ua alu ma nei aso.

 “O aso la e pei sa le ano tele tagata, ae a maua lava le ma’umaga ia o lena lava, aepeitai ua ese ma nei aso ua o tatou i ai.

 “Ia o le galue lava, a tele fo’i le faitio ma nofonofo ia o le a faigata mea uma.

 “O tatou aiga, e taua tele mo i tatou ma e ao lava ina o tatou fa’ailoa mea uma ma galulue aga’i ai mo le aga’i le lumana’i.

FT
By Fetalai Tuilulu’u, 08 May 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?