Tatala faitoto’a o le auaunaga a le Western Union i Poutasi Falealili

20 February 2016

“A le atinae e le Alii le fale, E galulue fua o e atinae” O le upu faamalosiau lea a le Susuga Fesoasoani Aperaamo Pauli i le tatalaina ai o le auaunaga a le Western Union i Poutasi Falealili. 

Taua e Alii Pule o leKamupani , Molioo Pio Molioo o le lona 23 lea o lala a le Western Union i Samoa nei. O le naunautaiga o le Pulega ina ia faasopoloa le auaunaga i nuu ma alalafaga o loo matauina ai le toatele o ona tagata o loo malaga i atunuu i fafo ma faaauau mai le tautua tuavae e ala i tupe faamomoli. 

O le faleoloa o Faamoana ma Karoline Laki o lea ua faipaaga ma le Fexco Samoa ma ua latou faatinoina nei le auaunaga a le Western Union i Poutasi. 

O le lala lea i Poutasi o le a mafai ai ona faatino ina auaunaga o loo taua i lalo:

ADVERTISEMENT

- Felafoina o tupe faamomoli i soo se atunuu o le lalolagi (Sending & Receiving Money)

- Felafoaina o tupe faamomoli i totonu lava o Samoa 

- O le totogiina o pili moli, pili o le vai ma le pili ole telefoni

- O le totogiina o penisiona a tagata matutua 

O le itumalo o Falealili o se tasi lea o itumalo e toatele tagata o loo malaga i fafo i galuega faa-vaitaimi i le polokalame a le Malo o le RSE i Niusila ma Ausetalia. O se fiafiaga i tagata o le itumalo ua faafaigofie ona talaina tupe i Poutasi lava, na i lo le malaga mamao mai i Apia. 

Faafetaia foi e le Alii Pule, le tautua tuavae  a o tatou tagata o loo faaauau pea ma manuia ai o tatou aiga i Samoa. O se vaegatupe o loo fesoasoani tele i nuu ma aiga ma Ekalesia e faatino ai soo se atinae.

20 February 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?