Ia manuia la’u fanau

VM
By Vatapuia Maiava, 22 September 2016

O lea le fa’amoemoega o le tinā i a Sekolasitika Tuloto o Mafafa, Falelatai e ui e le’o i ai se tasi o faigaluega ma fa’amoemoe i ai se tupe maua o le aiga.

O le afea ai e le Fofoga o Samoa i le aso ananafi, na fa’ailoa ai e Sekolasitika o le taimi lenei o lo’o taumafai i le mafai e fesoasoani ai i le atina’eina o le aiga.

“O le tele lava o vaega nei e mo mea fai  ae le gata i lea o le lotu aua o ala ia i fa’amanuiaga.

“O matou nei fo’i e vaivai lava le tala i le seleni, ua leai si o’u to’alua ma lo’u tama e pei o i la’ua na fa’amoemoe tele ai le tele o vaega ma mea fai.

 “O lo’u tama matua o lo’o aoga fa’apatele, ia o le mea lea e ola ai nei o le lopa ma le lalalagaina o ili ma fa’atau atu.

ADVERTISEMENT

“Ia e pei ona e taga’i atu o mea nei o lo’o o si a’u fanau e fa’atau aua sa’iliga o tupe o mea fai o le nu’u ma le lotu aemaise lava le fanau.

 “Pe tusa o mea taulima lava lea e ola ai, ma e fua lava i tupe maua o le aso i lopa e fa’atau.

“Ia pe $5 i le ili e tasi , ia ma mea la nei o ula, e maua ai  seleni e o lava si a’u fanau i luga o le mauga ma aoao mai ai.

 “Ia ma o si a’u tama teine ua tasi lana tama ia e tu’u mai lava i a te a’u pepe ae alu lava e sa’ili vaega nei aua le fesoasoani mai ai i mea fai a lo matou aulotu, aua e mo’i lava i mea fai o le nu’u ia ae o le lotu lava aua o manuia ia.

 “Na o matou omai i le 2000, ia  e o si a’u fanau i galuega a tagata ia lea e fai ma maua mai ai sina tupe, e pei o galuega kamuta.

 “Ia o le taimi lenei o le matou fa’ato’aga ia e leai se matou talo o i ai, ia o le  lopa e aoao mai i le vaega e ta’u o le Fagaiofu…ta mai le tauaga ma fa’atau.

Na fa’ailoa e le tinā i a Mata’ia o le tele o vaega uma nei o lo’o taumafai ai lava le tausiga o le aiga i aso uma, ma o le agaga maualuga ia mafai ona maua se ola lelei o le fanau i aso uma.

“O le tele o taimi a leai se suavai ia ua o matou asuvai mai i le vaitafe o lo’o i lalo atu, ma o se tasi lea o tulaga faigata o lo’o feagai nei pe ā o’o ina leai se suavai.

VM
By Vatapuia Maiava, 22 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?