Tupulaga manuia

SS
By Seia Soloi, 11 February 2017

O Tupulaga Talavou o le lumanai manuia o aiga, nuu, Ekalesia ma le atunuu

O le mau faiso’o lava lea ua faaleoina ai Talavou ma lo latou taua i totonu o lo tatou atunuu. Ma o le talitonuga lea o le taule’ale’a o Pati Viliamu, 23 tausga mai Vaitele, ma o loo faigaluega nei i se tasi o pisinisi faleaiga i Vaimoso

“E le’i uma la’u aoga ae ou nofo, ua ou le mafaia lava le aoga, sili le su’e o sa’u galuega e tausi ai lo’u aiga, e ausage lava lo’u aiga ma o le ala foi lea e ala ona faigofie ona tausi.

 “O lo’u totogi a i le vaiaso e $180, e lava lelei la’u faasoa aua ma te tau fai faigaluega uma ma lo’u toalua

O le sueina o le tupe, e leo se mea faigofie, ae e le afu e le maua se mea lelei” o lana tala lea i le Fofoga o Samoa

“E iai nisi o taimi ua lagona ai le faavaivai ma le augata e usu mai e faigaluega, ae o le vaai alofa a i le tausiga o matua ma fanau, e saga faamalosia ai lava a’u i lea aso ma lea aso out e faigaluega.

O Pati o loo nonofo nei ma matua o lona toalua i Vaitele ma lona aiga.

O le talitonuga o le alii o Pati, o Tupulaga Talavou o lo’o faamoemoe ai matua ma aiga aua aso o i luma, ae peitai ua fai lava le loto o le talavou ia

“Tele talavou ua iu lelei mai aoga, maua tomai ma agavaa lelei e tatau ai ona faigaluega, ae ua augata

ADVERTISEMENT

Ua tele le suiga o talavou i lenei vaitau, ua le fia faalogo I se faatonuga ma se aoaiga.

Faimai Pati, a lelei ma lava faasoa a aiga, e leai ma se mativa e maua mai ai.

‘Ua tele faitioga ua alia’e faimai ua mativa Samoa, ae e leai e ala ona mativa ona o le tagata lava ia ma lona faatamala.

O le lu’i lea a Pati mo soo se Talavou o loo nofonofo ma eva i le laufau malu “faaaoga tatau lou malosi i lou aiga ae le’o mea le aoga.

O Tupulaga Talavou lava o loo tumu ai Tafaigata, Aisea?

“Poto ae leai se faautauta” o lana tala lea

E le gata o Tafaigata, ae ua te’a ai foi mai totonu o nuu ona o le pia ma le maruana.

E eseese lava le talavou ma lona siosiomaga, o isi ua iu lelei aoga, o nisi foi ua le toe fia ao’oga o nisi ua lelava le faasoa a matua, ae o le mau a Pati

“O le talavou alofa moni i ona matua, saili le galue, tausi matua ma fai le toalua lelei.

O lana foi lea feau mo isi tupulaga talavou o loo nofonofo ma le faigaluega-

“manatua lou faalupega, e leai seisi e faamoemoe iai lou aiga ma ou matua i le lumanai, na’o oe lava.

SS
By Seia Soloi, 11 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?