O le galuega lava e sili ona taua

AL
By Aruna Lolani, 06 June 2017

Timu pe lāina e alu lava Andy Allan o le afioaga o Se’ese’e e galue i lona maumaga. O le ali’i e 30 tausaga le matua le soifua,  mai le afioaga o Se’ese’e sa maua le la fa’atalatalanoaga ma le Fofoga o Samoa a’o galue i lona maumaga. 

“Ia e pei o le tulaga lena o lo’o ua tatou maitauina i lenei vaitau aemaise o le fa’amuamua o lo’o ua ave e tagata i a latou tulaga e pei ona ua i ai nei.

“Ou te leiloa lelei i sau oe fa’avasega mai, ae e pei o lea lava le tulaga o lo’o i ai tatou Samoa i le taimi lenei.

“Ian a alu lava lo’u to’alua le tausaga ua te’a ma ave la ma tama ia o le taimi lenei ia o lo’o ua ou nofo lava a’u lo matou aiga ma va’ai lo’u tinā.

“Ou te le faigaluega ae pau la’u galuega o le galue le maumaga ma fa’atau nai fa’i mo se tupe fa’asili ma na’o a’u le tagata o lo’o galue mo le aiga aua le tausiaina.

“Ia e pei o lea lava le tulaga o lo’o ua i ai le taimi lenei, ua faigata lava le soifuaga aemaise lava le tulaga i le leai o ni tupe maua aua lava le aga’i atu le lumana’i.

ADVERTISEMENT

“O isi ou tei laiti e to’alua o lo’o i le aoga ae pei o lo’o ave lava le fa’amuamua mo le tausiaina o si o’u tinā.

“E pei o le uiga lea o la’u tala o tupe lava mea uma o lo’o ua tatou i ai nei.

“O tupe o lo’o tatou maua ia e fa’alagolago lava i ai le tele o mea i aso uma.

“Ia o le fa’afetai lava i le Atua i aso uma ona o lana fesoasoani mai o lo’o mafai ai pea mea uma.

“E ui lava la ina misia mafutaga, ia ae o lo’o solosolo lelei pea i aso uma…ia o le taimi lenei ou te le’o va’ava’ai i se isi pa’aga ae pei o le taumafai lava ina ia tausi pea le aiga.

“E ui lava le aiga, ae o le galuega lava le tulaga e ao ona titilo iai. 

“O le galuega e tagataga’i ai i aso uma, aua e le mafai e le maumaga ona tumau pea le lelei mo se tupe fa’asili. 

Mo se tasi e fia fesoasoani malosi ia Andy ma ofaina atu ai se galuega e maua le feso’otagai ale 7713567.

AL
By Aruna Lolani, 06 June 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?