Tapenapena ma agai i nofoaga maualuluga

SS
By Seia Soloi, 11 February 2017

O atugaluga o le Tama ia Fa’atoa Faufua, 70 tausaga mai Fugalei o le ola saogalemu o lona aiga ma le ola maloloina mai i timuga ma lolovai.

Na vaaia e le Fofoga o Samoa le lolovai atoa atu o nisi o aiga i Fugalei e amata mai luma le auala tele seia oo i tuafale o aiga i lea nofoaga, lea e aofia ai ma le maota o le Tama ia Fa’atoa i le aso  ananafi, ma o lona popolega i se taimi o i luma ina nei faateteleina timuga ma faatuputupulaia ai lologa ma aafia ai lo latou fale

“Sa matou faatalitali a aua e le pau ai lea o le lolovaia e oo iai, e maasii a pea oo ina tetele toe loloto,toetoe a oo mai i totonu o le fale.

“O le aafia o luma fale ae o tuafale ma faaleagaina ai le tele o mea toto a matou aiga pea lolovaia uma

“O le mea muamua a ia te au o le saogalemu o lo’u aiga, o le ala tonu a lea na matou o ese ai loa ma matou nonofo ai i Vaitele sei faaitiitia atu le vai matou toe omai foi”

E le gata mo le saogalemu o tagata o loo nonofo i lo’u aiga ae o le soifua maloloina le mea taua

“E mama le suavai maua aua e mita, ma o loo lelei lava tapenaga i le itu o meaai”

“E toafitu tagata o loo matou nonofo nei, e faigaluega la’u fanau ma fanau a a’u fanau e toatolu o loo aooga, ae o loo lelei lava toe lava mea moomia mo le matou aiga i le itu tau seleni.

ADVERTISEMENT

Pau le tulaga o loo faamamafa i le Tama, ia maua se fanua ma agai sa’o ai loa aua e le toe saogalemu lea nofoaga.

“Ua tonu ai iai au ma le loomatua, e sili lava le vave oese ma iinei.

O se vaaiga soo lea i tausaga uma, ma e afua mai ona o le maualalo o nei nofoaga o loo nonofo ai

“E moni lava e le’o ni o matou fanua, ae o e ona ia fanua ia talosga ia toe faaea le fanua i se taimi o i luma aua la taimi faapenei

O nisi itu e faanoanoa ai o le itu lea i le lapsi ma le tele ai o le namu.

“E le misi lapisi i soo se taimi pea lolovaia  e sau le vai ma aumai, o lapisi pepa iila, o atigifagu, o laau tetele, ua pae solo i luma o matou fale ma latalata i luma o le auala.

“A oo ina uma atu le vai, ma mago le palapala ia ua amata ona sogitia e matou ma aiga ia e i tuaoi le manogi leaga.

E 2 alavai o loo iai i lea nofoaga ma e manatu Fa’atoa, o le faagaioi loa e oese ma le fanua aua e leiloa lava mea e tutupu i le lumanai. 

Manatu le Tama ia Fa’atoa, ua sili ai le o i nofo maualuluga e le gata i le faia o fale mautu ma lelei ina ia sefe mai ai le aiga pea oo i taimi faapenei.

Ua mautu le fanua a i maua ma le fanau, ma ua oo foi i le taimi ua tatau ai ona faasee ese ma iinei, ma atia’e lelei aiga i nisi nofoaga saogalemu.

“Faamuamua le saogalemu o lou aiga mala faale natura ina ia maua ai le soifua maloloina o lou lava aiga ma malupuipui ai mai faama’i eseese e aafia ai.

SS
By Seia Soloi, 11 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?