Moomia e Eneliko se galuega

AL
By Aruna Lolani, 08 May 2017

O manaoga ia o so’o se pisinisi ina ia moomia ni tagata e lelei ma agavaa aemaise ai o le faamaoni i le faiga o so’o se galuega ua tuuina iai

Ma e le avea le le maua ai lea o ni tusi pasi mai aoga o le a tuua ai le toatele o tagata e apalai mo avanoa faigaluega aua e eseese lava agavaa a tagata 

Mo le tama ia Eneliko Savea, 28-tausaga le matua mai le afioaga o Fusi, Saoluafata o lo’o ia fia moomia lava se galuega mo lona ia lava aia aiga o ia ma lona toalua ma le la tama teine tasi-masina le matua.

“O le ma aiga lea faatoa tau atia’e i le taimi nei” o lana tala lea i le Fofoga o Samoa

“O a’u e leai se galuega pau le tulaga o lo’o fai o le galueaina lea o le faatoaga mo le tausiga o aiga ma fanau

“Ma e tusa lava pe leai sa’u galuega o iai le taimi nei ae o lo’o faaaoga lava lo’u taimi ou te galue ai i le faatoaga ina ia maua se meaai mo le aiga

“O lenei laga ua le toe taugofie mea uma aua ua talanoa lava i le tele o tupe mea uma

“Ae e le galue ma le malosi mo lou ia lava aiga e te le maua se mea lelei mo le tausiga o lou lava ia aiga

“O la’u galuega lava lea o lo’o faia e tau saili atu ai se galuega 

“O le tele o taimi ou te iloa ai lava le le atoatoa lea o la’u auaunaga mo lo’u aiga e ala lea i le le maua ai lea o sa’u galuega

O le alagatupe mo Eneliko ma lona aiga e faalagolago lea i le faatoaga aua le ola a ii aso uma.

ADVERTISEMENT

“E ese le faigata aua e na’o a’u lava o lo’o faia le galuega o le galue i le faatoaga ae o le tina o le aiga o lo’o nofo i le aiga

“Ae o le naunautaaiga lava ia ia te au out e galue ma le malosi i le faatoaga e maua mai ai sina talo po o le fa’i e faatau i totonu o le nuu aemaise le tausiga o aiga.

“E iai lava lona mafuaaga ua ou faia uma ai ia galuega uma aua o lo’u mafaufau ina ia faamuamua lava pili o le vai ma le moli aemaise o faalavelave faale-aiga

“O lo’u manaoga lea e iai mo le lumanai ina ia mauase galuega vave aua le tausiga o aiga ma fanau

Ua silafia lelei e Eneliko le taugata o le soifuaga ua iai nei pe a faatusatusa atu i aso ua mavae.

“I ate au lava ia o se tasi lenei o suiga tele lea ua iai ne ii totonu o le atunuu

“Ma e le avea lea tulaga tatou te faalagolago ai fua i nisi mo le tausiga o tatou aiga o le galue lava o faatoaga ua masani ai o tatou mnatua i aso ua mavae

“Pau lo tatou iloa a alu lava i luma le olaga ua faapena ai foi ma le tau o le soifuaga nei.Ma o lona manaoga ina ia maua sana galuega

“O matou e ola i le faatoaga ae o nisi o taimi out e alu ai ma fesoasoani i nisi o aiga o le nuu i se galuega aua se tupe maua mo i maua

“Ma o nei galuega uma o lo’o o’u faia ma lo’u naunau ina ia vave maua se galuega

“O le a lava le galuega e maua mai o lena lava ma out e galue ai foi ma le faamaoni aua se seleni mo lo’u aiga

“Out e iloa foi o nei aso ua faigata ona maua ni galuega ae a o faatasi lava ma lou faamaoni ma le alofa moni e leai se mea o lea faigata ai fu

“O le mea taulia lava ina ia maua sina seleni mo le tausiga o aiga ma fanau o le mea sili lea

A iai se galuega o lo’o fia ofoina mo Eneliko e maua i le numera o le telefoni 7202190

AL
By Aruna Lolani, 08 May 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?