Ua tele na’ua suiga i totonu o Samoa

SS
By Sarafina Sanerivi, 02 September 2016

E tutupu suiga mai lea taimi i lea taimi ma ua faailoa e le tala faasolopito le tala o le suiga o nuu i le faagasologa o le taimi. Ae peitai-e le o iloa e isi ia suiga.  

Ae ui o lea, a o’o lou soifua i le sili atu i lo le ivasefulu tausaga le matua, ona e vaaia lea o suiga ua i ai le atunuu-ma o se fasi keke lea mo oe.  

Ma e matua moni ma faamaoni lea tulaga e tusa ai ma Muliava Aleni Maota-lea ua tusa ma le 95 tausaga o lona soifua.O ia o se matai o Tafatafa, Falealili e mau ma lona faletua o Fiapa’ipa’i Aleni i Tafatafa-ae leai ni o la alo. O lona finagalo ua matua tele suiga i totonu o Samoa i aso nei, i lona tulaga lautele, faale-aganuu ma le faa-polokiki. 

O le soifuaga ua le o toe tutusa, o lana faaaliga lea.  

 “Ua fesuia’i mai lea taimi i lea taimi.

“Ua masani Tagata e ola e tusa ai ma le aganuu ma faiga e masani ai. O Sui o le aiga e masani ona o i le matai ma o le a totofi atu e le (matai) ia i latou tiute fai eseese ma mea e fai i totonu o le aiga. O le a tofi le to’atasi mo fagotaga, o le isi o le a galue i le fanua-ma le isi o le a gafa ma le tunoa. O mea nei e masani ona matou faia i aso ua te’a. Tusa lava pe eseese o matou fale, ae tasi lava le tunoa o le aiga atoa. Ae peitai-ua le o toe tutusa. “Ae o lea ua eseese soifuaga i le taimi nei. “Ua tofu lava ulugalii ma o latou fale ma fai lava soo se mea e loto i ai latou.  A latou manana’o e taso se pua’a-e fai lava ma a latou manana’o e fasi se povi, latou te faia lava e aunoa ma le logoina muamua ma le fesiligia o le matai.  Ma latou te le toe tuuina atu muamua se sua a le matai e pei ona masani ai. I aso nei, e fai lava e i latou a latou mea. I le taimi nei-latou tea vatu le sua a le matai i le ta’i-lua vaiaso poo i nisi taimi, latou te le o toe tuuina atu se sua a le matai.

“E le o to tutusa i le taimi nei.” 

Fai mai Muliava e faapea foi le faafitauli o loo tupu i lona aiga.  “E ui lava ina to’atele tagata o tatou aiga iinei, ae o loo noatia lo’u to’alua mo le faia o mea uma i totonu o lo matou aiga ma o tupe mai penisione o tagata o loo matou faalagolago i ai. Ua le o toe tutusa le tulaga i totonu o le atunuu pe a faatusatusa i le tulaga sa i ai muamua. O loo lelei Apia, ae o mea nei o loo tutupu i totonu o nu’u.”

Ae ui o lea, e talitonu o ia o lenei mea e le na o lona aiga o loo tupu ai..“Ua faapena foi isi aiga,” o le faaaliga lea a Muliava.

ADVERTISEMENT

E leai se aiga o i ai se faavae malosi e pei ona masani ona i ai. O isi aiga ua nonofo faatasi ae tofu lava ma le tunoa ma gasese a latou lava mea taumafa.Ua faapena foi lo matou aiga. O lo’u to’alua na te faia a ma mea’ai ma tunu le ma ti. O nisi taimi-ua leai se ma ti. Na ia ta’ua foi ua matua faigata lava se soifuaga mo ia ma lona to’alua. 

 “Ua matua faigata lava,” o lana faaaliga lea.

 “Ma e le o se faafitauli itiiti o loo matou faafesaga’i iinei i totonu o le nuu. Ae o Apia ia o loo lelei atoatoa.

“A fai se ma umu pe saka taro, e na o le tolu talo laiti ma te faaaogaina ma se moa mo se ma mea’ai-ona pau lena. 

“O nisi taimi pe a leai se ma mea’ai, out e fai i lo’u to’alua e tunu se ma ti ona alu faatasi lea ma masi poo se falaoa. “E masani ona ‘ou fai ia te ia e ‘aua le tagi ma mana’o i ni mea e tula’i mai ai faafitauli. Ma ou te le mana’o e fai e nisi ni mea mo a’u. I lo’u olaga, o la’u vaaiga tausili e tasi o lo tatou Tama o i Lagi ma lo matou aiga ina ia manuia. 

Ma o le mea moni lena. Ou te le talosaga i nisi e aumai ni mea’ai mo a’u. O loo ola lava latou mo i latou ae ma te tausi lava ia i ma’ua.”

E talitonu o ia-o suiga ua tula’i mai ona o le faiga o loo soifua ai tagata i aso nei. E le o toe tutusa e pei ona masani ai i aso ua alu. O le toatele lava o tagata o loo o pea i le lotu i taimi uma ae latou te le o faaaogaina le fe’au mai Faife’au.”.E le gata i lea, e talitonu o ia o loo i ai le mativa i totonu o Samoa. 

 “Ioe. O loo i ai le mativa i totonu o Samoa,” o lana faaaliga lea. 

“Ae peita’i-o lo tatou Tama o i le Lagi-ua uma ona faaali mai ia i tatou le mea e fai ma le faiga tatou te ola ai. Talu ai-afai tatou te faaauau pea ona paie ma leai se mea e faia e ‘alofia ai le mativa, tatou te taunuu i le avea o i tatou ma tagata gaoi. “O loo i ai o tatou eleele ma afai e i ai sau faatoaga, faaauau pea ona galue malosi i mea uma e te faia ona leai lea o se mea e te popole ai. “O nisi tagata ua faapalapala ma o le toatele o i latou o loo fiafia i le na o le fealua’i solo. Ae afai tatou te galulue malosi faatasi, o le a fesoasoani lo tatou Tama o i le Lagi ia te oe ma saga faatupu. 

Fai mai foi le Tusi Paia ia alofa atu i le isi tagata, ma o le a faaopoopo atu ia te oe ni mea se tele. “E te selesele i le suamalie o le manuia pe a e alofa atu i isi. O le a faaauau pea ona fesoasoani atu le Atua ma faamanuia oe pe a faaauau pea ona e saili ia te Ia. Afai e leai, o le a na aveese mea uma mai ia te oe. 

 “E tatau ona tatou faia ia sa’o i le Atua, afai tatou te o ese mai ia te Ia, o lona uiga-tatou te o’o i le mativa.” I le tulaga tau polokiki, e manatu o ia-o loo i ai se eseesega tele i le va o le malo o loo i ai nei pe a faatusatusa i taimi ua alu.  “Ma ou te le iloa le pogai,” o lana faaaliga lea. “O le Malo i le taimi nei ua leva ona tula’i mai mo se vaitaimi umi e o’o mai i le taimi nei. I Aso nei, o i latou (Sui Usufono o le Palemene) e moue se atu pe a uma le faiga-palota ma e le toe aliali mai o latou foliga i totonu o le itumalo.

 “Ma aisea latou te faaali mai ai i latou pe afai e leai se tatou mea o maua mai ia i latou? Ona pau o le mea ua tatou iloa e faapea o le a latou faailoa mai e faapea o lenei tagata na manumalo ona gata ai lea. Ma tatou te le o faalogo ia i latou ina ua mavae le palota. O nisi taimi ou te fiafia ai i le malo ae o nisi taimi ou te le fiafia ai. Ma o lo’u manatu lena ma le faamaoni. Mo le Sui Usufono o le Palemene mai lo matou itumalo, o loo feoa’i solo e pei o palagi’(tagata mai fafo). Ou te le iloa pe ua tuuina atu ia i latou ni tofiga i totonu o le Palemene pe leai.  Ua le o toe tutusa e pei o le tulaga e masani ai. O lo tatou malo ua pei o se Malo o Tagata Saina-ina ua mae’a le Faiga-Palota Lautele i le tausaga nei.”

SS
By Sarafina Sanerivi, 02 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?