O LAU TALA FO’I

27 May 2016

1. Matauina i Tala Fou fai mai o lea ua tatala aloa’ia le nofoaga e gaosi ai le eletise mai le La-i le malae o tuuga-solofanua i Tafaigata.

A tuu la i le saunoaga a le Palemia i le tatalaina aloa’ioa o lea galuega tele-ua na matua viia lava taumafaiga uma a lana faiga-malo e tusa ai ma lea atiina- a’e-talu ai ua tatou faalagolago tele i le suau’u mai fafo aemaise ai o lona taugata.

Ia atonu ua alaga-tatau foi la ona tatou faafetaia le Malo ma ana taumafaiga-pe afai o le a maua ai se lavea’i mo le atunuu-pe a tatou tilotilo i le taugata mata’utia o le eletise i le taimi nei-ona o faiga a le malo-aemaise ai lava o le totogi o le pili o le moli o le tagata-toe totogi ma le tau o le suau’u o loo vili ai le eletise-ae toe totogi foi ma le aitalafu a le Faalapotopotoga a le Malosi Faa-Eletise.

ADVERTISEMENT

O le matau la i lafoga a le Palemia e faapea o le a taugofie ai le eletise mo le atunuu ona o lea eletise fou ua mafai ona galueaiina mai le La-o le a mafai lava ona tatou iloa tino le sa’o –aemaise ai o le moni ma le faamaoni o ia faaupuga-i  le faagasologa i luma! Ia manatua foi-afai o le faiga lea sa sau a’i e totogi le pili o le moli o le tagata lava ia-toe totogi le suau’u ma le aitalafu a le Malo-faamata e amiotonu lea faiga? Afai la o iloa e le faigamalo e le amiotonu-o le a la sau fuafuaga mo le afu o le atunuu? O le a sou taofi?

2. Matauina foi i Tala Fou se ulutala fai mai ua teena e se sui faatu ua le manuia i le Faiga-Palota Lautele talu ai nei-lona nofosala-ma o lea ulutala e faasino ia Tu’ula Kiliri Tuitui-lea sa faapea e tauva i le Faiga Palota Lautele talu ai nei ma le Palemia-ae na taofia. O lea la alii e faapea na tula’i i luma o le Faamasinoga Faa-Itumalo i le vaiaso nei.

E faapea na tuua’ia o ia i le fai o se ta’utinoga e le sa’o i le Ofisa o le Faiga Palota. O le Aso Lua la na teena ai e Tu’ula lea moliaga i luma o le Faamasinoga Faa-Itumalo –ma ua toe tolopo lea mataupu i le aso 1 o Aokuso o le tausaga nei. O moomooga la o le loto-maumau pe ana mafai faapea ona faatino faamasinoga tau faiga sese ma faiga pi’opi’o o le Faiga Palota Lautele talu ai nei- e pei ona molia ai isi sui faatutu-ae ua avatu le aganuu ma le ava fatafata fofo ai-ae tanu ai totonu faiga solitulafono ma faiga pi’opi’o! O le a sou taofi? 

3. Ua matauina foi i Tala Fou fai mai ua teena e le Ekalesia Katoliko se tuua’iga….! O le uiga la o lea tete’e- fai mai e le’i fuafuaina e le Ekalesia le tuuina atu o se fanua i le Ekalesia Faapotopotoga Kerisiano i Samoa. Fai mai la le Afioga a Patele Laga’ala o loo faatali le Ekalesia Katoliko mo se sui o le EFKS e o’o atu i lo latou Ofisa-ina ia mafai ai ona latou faasino atu le nofoaga tonu o loo i ai lea fanua.

E tusa ai la ma le talanoaina o lea mataupu i le Fono Tele i Malua talu ai nei-fai mai le Toeaina o Rev. Soti-o lea fanua e i Malololelei- ua fuafuaina mo se nofoaga o mafutaga-ma ua uma ona totogi atu le tau o lea fanua e 5 eka e $650; ae ina ua latou toe asia lea fanua-o le tala na avane e faapea ua toe sui fuafuaga. O iina na matou lagona ai ua le o toe i ai se fanua.

E o’o mai la i le asō-e le’i faamatuuina atu lava e le Ekalesia Katoliko se fanua mo le Ekalesia Faapotopotoga Kerisiano i Malololelei! Ia-o le faamatalaga atoa lena-ae afai o lea mataupu o loo aofia ai ni ekalesia faavae tetele se lua o Samoa-e le taumate la- tatou te moomia uma lava se faata’ita’iga lelei e fo’ia ai lenei mataupu mo le atunuu atoa! O le a sou taofi?

27 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?