Manatua lou fa’asinomaga

AL
By Aruna Lolani, 05 June 2017

Ua tele lava suiga ua o tatou molimauina i lenei vaitau ua o tatou i ai nei.

O lea le saunoaga a le tamā i a Tulafasa Alofaa’e o Luatuanu’u i le Fofoga o Samoa.

 “Ia  te a’u lava ia e ao lava ona o tatou iloa le tulaga e pei ona ua i ai nei si o tatou atunu’u ua le toe i ai se tulaga fo’i lea i le mamalu o le aganu’u e pei ona sa sau a’i.

“O le fa’asinomaga ma si o tatou aganu’u o vaega nei e ao ona o tatou silafia lelei i ai.

“O se itu e ao ona o tatou toe manatunatu i ai, ona ua le toe tutusa aso ua alu ma nei taluatalu fou ua o tatou i ai nei.

Na maua le fa’atalatalanoaga ma Tulafasa a’o aga’i i se tasi o faleoloa e le mamao ese ma le nofoaga o lo’o o latou aumau ai ma lona aiga.

ADVERTISEMENT

 “I a te a’u lava ia e leai se mea o fa’apea o suiga o lo’o ua i ai nei, ua tele ina o tatou va’ai ai le tele o tulaga e pei ona ua tula’i mai.

 “O le a le tulaga ua tatou i ai lenei vaitau ia o le talia lava ma la’a i luma ma va’avaai lelei i nisi mea fou o lo’o tu’u mai luma.

 “O le fa’ata’ita’iga o le televave o auala televavave  o lo’o ua tatou i ai nei le taimi lenei, ma o se tulaga lelei tele mo nai o tatou tagata.

 “E tele se taimi e fa’asaoina ai, aemaise ai lava le itu tau femalagaiga i luga o auala televavave.

 “O lo’o va’ava’ai atu lava ia o lo’o tele lava se aoga mo le aga’i ai le lumana’i o nai o tatou tagata aemaise o le fanau aoga e pei ona ua i ai le taimi lenei.

 “Ia o si o matou nu’u ia e tele lava ina fai asiasiga, ma i a te a’u ia o se tulaga lelei tele mo le lelei o aiga, nu’u ma le ekalesia.

‘Aua e pei o nai asiasiga nei o lo’o filifiliga ai lava i mea lelei aua le atia’e ai o aiga, ma le tausiga i aso ona ua le toe faigofie nei aso.

 “O totonu fo’i lava i si o tatou atunu’u, o a fa’afitauli e tutupu mai ia o lo’o i ai lava auala filemu ma le saogalemu e soalaupule lelei ai ae le’i o’o i se isi tulaga.

“O le tulaga lava ia , ia o le ave lava o le fa’amuamua i fanau ma o latou a’oa’oga aua a lelei ia o le taumateina fo’i a taeao.

AL
By Aruna Lolani, 05 June 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?