Sauniga Faafetai mo le Aiga o Savea Leulua’iali’i Tuivaiese II
Deidre Fanene
Faaliliu e Seagaitumua Tupuola
O ananafi na potopoto ai Sui o le aiga o Savea Leulua’ialii Tuivaiese i Afega mo le latou lotu faafetai i tausaga uma. E sili atu i le 100 sui o le aiga mai augā-tupulaga uma sa potopoto i le Maota o Tanumafili le Tolotolo mo lea faamoemoe.
O lea sauniga na faafetaia ai le aao o le Atua Silisili Ese mo mea ua mafai ona ‘ausia o le 2015 faapea foi ma le sailia o ana faamanuiaga i le amataga o le tausaga fou.
O lea sauniga sa ta’ita’ia e Reverend Luapene Nepo, o le Ekalesia Faapotopotoga Kerisiano i Samoa i Afega.
Na ia faamanatu i le aiga le faamaoni o le Atua.
Fai mai a ia e i ai taimi e maluluina ai le faatuatua o tagata ona amata loa ona latou masalomia le Atua, ma faapea pe faamata e mafai ona ia faatinoina ana folafolaga.
Ae ui o lea, sa faamanatu atu e Rev Nepo i le aiga ina ia tutumau ma iloa lelei e le o ia o se tagata pepelo.. Na ia ta’u atu i le aiga ina ia tumau le latou silasila i le Atua ma tausi lo latou faatuatua ia te Ia ona mafuta mai lea o ia i taimi uma, ma tuuina mai soo se mea e tatau ai mo lo latou manuia. O lea sauniga sa auai sui o le aiga mai le lalolagi atoa, ma o lea faatasiga na taualuga i se taumafataga tele.