Taiulu se Tamaitai Faipule i le Komiti o Mea Tau Tupe a le Malo

By Lanuola Tusani Tupufia 17 June 2016, 12:00AM

Ua tofia le Sui Usufono o le Palemene mo le Itumalo o Alataua Sisifo, o Ali’imalemanu Alofa Tu’u’au-e avea ma Ta’ita’ifono fou o le Komiti o Mea Tau Tupe a le Palemene. O Ali’imalemanu o le a avea ma Sui Usufono Tama’ita’i Muamua i le tala faasolopito-ua na umia le Tofi o le Ta’ita’ifono o le Komiti o Mea Tau Tupe ma Tupe Faaalu a le Palemene mai le 2016 i le 2021.

O le tulaga sa umia talu ai nei e le Minisita muamua o Tupe, o Papalii Niko Lee Hang, o ia lea ua avea i le taimi nei ma Minisita o Galuega, Fela’uaiga ma Galuega Tetele.

O Aliimalemanu o le taimi muamua lenei ua avea ai ma Faipule. O loo filo o ia i ni tama’ita’i se to’afa i totonu o le Palemene, ina ua na faato’ilaloina le Sui Usufono muamua o Lafaitele Patrick Lei’ataua Lesa.

.I lea taimi, fai mai a ia o lona manumalo o le a una’ia ai nisi tamaitai e tula’i mai. “Ou te le talitonu i lenei faaupuga o le “o le siitia o aia tatau” talu ai o loo i ai lava aia tatau a tamaitai i soo se nofoaga ae pogai ona latou te le o faaaogaina,” o lana faaaliga lea.

“O le mea taua lava o le a ‘ou tilotilo lelei i ai e tusa ai ma lenei mataupu-o le taumafai lea e una’ia le loto talitonu o tamaita’i. O i matou lava le faafitauli talu ai lo matou tu’u o i matou i lalo.  “O i matou lava. Matou te le o faaaogaina lea avanoa ma le leai o so matou loto talitonu, ae peitai-o se mataupu lea e mafai ona matou tagofia aua e faigofie.”

By Lanuola Tusani Tupufia 17 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>