TALA FAASOLOPITO O SAMOA MAI LE AMATAGA

11 March 2016

Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer-Aso

O LE KAMUPANI FAI TOGᾹ-KOKO I UPOLU-UPOLU CACAO COMPANY

O  lana faatoaga  sa i Tanumapua, ma sa ia te ia se tupe faavae e 30,000 Pauni faatasi ai ma lona Ofisa Autu i Birmingham Egelani.

Na faatu lea kamupani i Samoa nei i le 1901 ma le faamoemoe e fai lana faatoaga i Samoa ae faapito lava i togā-koko. O le tele o lea Esetete e 1,500 eka ma o le 500 o ia eka e tele na faato’a muamua lava i le koko i le 1901 ma le 1902.

ADVERTISEMENT

Sa mulimuli ane ona toe faato’a le isi 100 eka i le koko. O le 500 eka lea na mua’i faato’a i le koko na fua i totonu o le fa tausaga ma faasolosolo ai lava ona fua uma koko i lona lima o tausaga, ma o le tele o koko na maua ai e 12 tone mai le 170 eka na faato’a muamua i le 1902.

O le ulua’i 500 eka lea na faato’a i le koko sa totō faatasi ai ma le pulu tosi pe tusa ma le 25 pasene, ae o isi vaega-eleele fou sa totō ai le koko ma le pulu tosi.. E lua poloka sa vaevae i ai lea Esetete, faatasi ai ma vaega e lē taina e tali ai le matagi ma mo auala. Sa faapea foi ona faato’a vaega o lea Esetete i isi lava ituaiga o pulu tosi e igoa o le Castiloa poo le pulu tosi mai Mexico. O tagata faigaluega sa galulue ai o tagata Saina.

O le tau atoa mo tagata faigaluega mai Saina e tusa lea ma le 35 seleni i le masina, e aofia ai le tau o le aumai iinei. Totogi-aso ma mea’ai. E fitusefulu tagata Saina sa galulue i lea Esetete e ala ia latou kokekarate masani, ae galulue feauaua’i ma tagata Samoa, ia e faafaigaluega faapitoa mo le taina o le fanua ma konekarate vele vao. O le pulega o lea Esetete sa umia e Mr. Harman ma Mr. Arthur T. Radford.

O le ogaumu tao-koko na fau lava i Samoa nei, e uiga ese le lelei ma lona aoga. A la aso, ona toso lea i fafo o fata koko e faa –la ai. Sa mulimuli ane ona fau ma faapipii le ogaumu tao koko e igoa o le Gordon.

Sa latalata ane i lea Esetete vai simā na fuafua e Radford ma fau i lalo o lana vaaiga. O masini sa faapala ai le koko e mai le kamupani a Marcus Mason & Co o Niu Ioka ma sa matua aoga tele ma tonu ai loa o le a toe faapipi’i foi isi lava masini o lea ituaiga pe a mana’omia.

Ae mo fale sa nofoia e tagata Saina, sa matua faafetaia lea kamupani ona o le lelei o le faiga ma le tausiga o ia tagata faigaluega, ona sa i ai le fiafia i ona vaega uma, le tulaga mama aemaise ai o le tulaga faamalieina sa vaaia i foliga o ia tagata faigaluega uma lava.

11 March 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?