Ia fa’aoga taleni ma agava’a

VM
By Vatapuia Maiava, 21 September 2016

“O le galuega lenei o le tausiaiga, e ese le fa’amanuiaina ai o a’u ia i lo’u iloa i ai, aua fo’i o fa’amanuiaga ou te maua mai i le lauele’ele o  a’u a lena, a tu’u atu fo’i i fa’amanuiaga a matua ma tagata o le aiga e aumai i a te a’u i a’u galuega i lea aso ma lea aso, ia e le tau fesiligia lena itu, o lo’o ua tatou iloa uma lava.” Sopoaga Sopoaga o Sa’anapu.

E afea e le Fofoga o Samoa le aiga o Sopoaga e le’i leva ona mapu ane i le fa’amamaina o lana fa’ato’aga e le mamao ese ma lona aiga.

Na ia fa’ailoa o le ma’umaga i lona iloa i ai o le tupe vave maua, pe a fa’atau i lo latou lumāfale i le tele o aso o le vaiaso, e le gata la i vaega nei ae o popo ma koko o lo’o la’uina uma lava i luma aua se tupe fa’asili o le aiga.

“O lea e lava le seleni i le taimi lenei,  o lea lava e tele nai mea toto o lo’o tua i ai i le taimi…ia o le fa’aaoga lelei lava o le poto taleni ma agava’a ua aumai e le Atua.

“Ia ou te iloa tua nei, o le matua’i tele lava o le tamaoaiga o lo’o i ai nei, tele le togāniu ma le togafa’i e tele lava fua o fa’atoaga e tausi ai le aiga ma tamaiti i le aoga i aso uma.

ADVERTISEMENT

“E  tusa e to’atolu lo matou aiga o lo’o faigaluega, ae o a’u la  o lo’o nofo i le aiga e fai le fa’ato’aga.

“O le mea moni lava  e tau lelava le seleni aua o le talo e toto i le fitu masina ma e fa’atali ai lava fa’atoa mafai ona maua mai ai se tupe.

“E pei e pau lava o le fa’afitauli i le tele o taimi ia o le lava o le fa’asoa aua e fai o mea fa’alenu’u, Ekalesia o le pasese i le vaiaso tamaiti aoga ma nisi lava o vaega.

“Ia ae o mea lava e tatau ona fai.

“Ia ou te iloa e sili atu le nofo i le aiga, a fa’apea la e lua vaiaso fa’atoa maua totogi a le malo fa’atoa maua se tupe a le aufaigaluega, ia ae o le fai ma’umaga e tupe i taimi uma.

“Ia o le tau o le soifuaga ua fai lava sina taugata, o le mea tau i oloa e pei ua taugata tele, fika atu ai i seleni o lo’o maua ia e le fetaui lava.

“Ia ae leai lava se isi mea e tatau ona fai, o le galulue punoa’i lava aua aiga ma le fanau.

VM
By Vatapuia Maiava, 21 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?