Ia e aoga mo lou aiga - Malama

SS
By Seia Soloi, 07 March 2017

O le mau lea a le Tina ia Malama Tusa, 41 tausaga le matua mai Fagalii.

Na maua atu e le Fofoga o Samoa le tina o faatau ana meleni i luma o lona fale i lona fanua Ie lata i le auala.

Na ia faailoa, o se tasi o tagata latou te lolotu faatasi ma e omai mai Tonga, na latou ofoina atu lea fesoasoani, aua le faatauina o meleni, mo le fofoga taumafa o le atunuu.

“O le tasi lea o fesoasoani aupito sili ona tele toe taua mo a’u ma lo’u aiga, ou te le faigaluega, ae o le faatauina o nei meleni, o le tupe atoa e ave e latou ae o e 10% e maua e au, tusa la e $290 la’u tupe e maua mai ai” o lana tala lea i le Fofoga o Samoa.

“E taitasi masina ma aumai nei fesoasoani, ma ua vaaia ai le faatuputupu laia o mea ua aumai, a uma le aso o le tupe atoa e lata e maua e ova ma lua-afe tala.

E na’o le toalua o Malama e faigaluega, o se avetaxi ma o lo’o nonofo nei ma le la fanau e toafiru, toalima o lo’o ao’oga i le taimi nei.

ADVERTISEMENT

“E moni lava o lo’o faigaluega lo’u toalua a e ele gafatia e lona totogi  na tauave le tele o mea fai a le aiga.

Talu mai lava le nonofoga o Malama ma lona aiga, na’o le pa puaa lava le latou alaga tupe vave toe tele o lo’o iai.

“E faatau amata i le $100tala ma faasolosolo agai i luga ma o lo’o faia lava aua mea fai a le nuu ma le ekalesia.

Na ia tau’a foi e le’o na’o ia le aiga ua ofo fua mai ai lea fesoasoani.

“E iai nisi o aiga o lo’o faatauina ai, ae o le fanua o le fanua a matou lea o lo’o faatauina ai.

O lona manatu ua taugata tele le tau o lesoifuaga ua iai nei.

“A fua atu iai i lo matou aiga fai o le toatele, e le taitai gafatia ia seleni e maua mai i totogi o le tama mo mea fai.

Na ia faafetaia foi lea samaria agalelei ona o e ofo fua ina atu o lea fesoasoani mo ia ma lona aiga.

“E lagona ai lava le loto faafetai, aua ana o nisi tagata e leai lava se tupe e tuu e ave uma lava, ae ua tele le fesoasoani mo le tausiga o a’u ma si o’u aiga.

SS
By Seia Soloi, 07 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?