O le tofi o tamatane o le tautua

SS
By Sarafina Sanerivi, 08 January 2017

Ua masani lava i le fa’alogo a le atunu’u le fa’aupuga lea, “O le ala i le tautua.”

Ma o le taule’ale’a ia Polito Penitito, e 22 tausaga mai le afioaga o Levi Saleimoa, o ia o se tagata e matua’i talitonu lava i le moni ma le fa’amaoni o lenei fa’aupuga. 

O Polito o lo’o faia nei le faiva o le tausi aiga, ma o ia o lo’o tausia lona aiga e to’avalu.

“O le tofi o le tama tane o le mu o mata i le afi e tautua ma tausi matua,” o lana fa’aaliga lea. 

“O a’u o lo’o tausia si o matou aiga. E to’avalu tagata o lo’o iai i totonu o le matou aiga, ma o a’u e matua i le matou fanauga. 

“Na ou ola mai lava o o’u va’ai i le ola tautua o tagata Samoa ma na fa’aosofia ai lava lo’u naunau ina ia ou tupu ae e avea foi au ma se tagata e aoga i totonu o si o matou aiga. 

ADVERTISEMENT

“Afai foi o le a le finagalo o le Atua i nai matua, ae o le mea sili ia faia le tautua ma le fa’amaoni e ala mai ai manuia mo matou le fanau.

“O nai o’u tuafafine o lo’o nonofo nei i Niu Sila ma o lo’o fesoasoani mai foi  i mea e fai i totonu o le aiga. 

Ia te a’u lava ia, e leai lava se faigata o le tautuaina o aiga. E pei lava o upu a le atunu’u, e leai lava se mea e faigofie i le olaga nei. Ae o le ala lava i le pule o le tautua. 

“O le mea foi lea e fa’amaoni ai lava e fai la’u tautua, ina ia maua mai ni fa’amanuiaga.”

 Na ia ta’ua foi, e leai lava se faigata o le faiva lea o le tautua. 

“Tailo ai lava i isi tagata, ae o a’u ia, e faigofie lava ia te au.

“O feau masani lava e feagai ma a’u i aso uma. E ala usu lava i le ma’umaga, foi mai ai lea e fai le meaai o le afiafi ma nai isi lava fe’au i autafa o le fale. E leai lava se faigata, o le mea lava e iai le loto, e iai foi le auala e faia ai. 

“Se’i vagana foi la ua iai ni fa’alavelave fa’ato’a tele foi lea o feau e fai. E to’atele lava e le’o fa’aaoga tatau lo latou taimi e tausi ai aiga.”

SS
By Sarafina Sanerivi, 08 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?