Fautuaina e se Fai Pisinisi, fausaga aupito lelei

LT
By Lanuola Tusani Tupufia,

Ua fa’aalia le finagalo o se tasi o tamali’i faiPisinisi, ina ia si’itia ma fa’aleleia atili le fausaga o tane-suau’u o lo’o i luga nei o le Uafu i Matautu, talu le fa’alavelave lea na tupu i le Aso Gafua. 

I se talanoaga ma sui o le Samoa Observer, na ta’ua ai e le pule o le faletalimalo o le Millenia, o Tuala Oli Ah Him e fa’apea, o le fa’alavelave lea na tupu, na matua fa’apopoleina ai tele le ‘aufaiPisinisi i le atunu’u.

E tele faletalimalo ma fale’aiga i le nofoaga lea i Matautu.

Amata mai lava i’ina, fa’asolo mai ai le laina o faletalimalo tetele i lo’o i le taulaga, i le talafatai mai le Faletalimalo o Aggie Grey, o’o mai i le Tanoa Tusitala, le Amanaki, le Faletalimalo o Elisa ma matou i le Millenia. 

“Na tupu loa le mau, na matua tumu matou nei i le popole , matou o lo’o pito i le ‘auala ma le sami ae maise lava le vaega lenei i Sogi,” o popolega ia o Tuala i lea taimi na tupu ai le mu. 

 “Pe tusa ma le ono isi tane tetele o lo’o teu ai le suau’u i le nofoaga lenei, e tutusa lelei ma le tane lea na mu i le Aso Gafua. O se popolega tele lava lea ina ua tupu le fa’alavelave, talu ai, e iai lo matou lagona, o lo’o fa’amuamua pea ma fa’atauaina le saogalemu aua o mea nei, e le nofo-nofo te’i ua pa ma mu.” 

Fai mai le ali’i-faipisinisi, ana tupu ni pefea ae malepe atoa le uafu, e le toe iai ni va’a-tetele e la’u maia tagata-tafafao, o oloa ma isi mea mai fafo.

ADVERTISEMENT

Ua tatalo mai ai i le pulega, ina ia toe silasila toto’a ane lava i le tulaga o le fausaga o tane nei. 

O le isi a’afiaga na ta’ua, o le afaina lea o le si’osi’omaga semanu, e matua tele ni tupe ma’umau e fa’aalu ai.

“’Ou te le’i va’ai lava i ni mea fo’i ia e puipuia ai le si’osi’omaga, ma taofiofia ai le sosolo o se mu, ua faia pe iai fo’i i le uafu,” o le ofoofo-tetele lea a Tuala. 

“E le o a’u o se inisinia fa’apitoa o nei mea o tane-suau’u ae o le mea lea na tupu, e tatau ona taula’i iai le va’ai a le tatou malo ma tagata uma mo le fa’aleleia atili. E mo’omia fo’i ona toe fa’aleleia atili le tatou talu atu i ituaiga o fa’alavelave fa’apenei, e ala i le va’aia lelei o vaega o paipa o mama aga’i i le sami, e ono fa’aleagaina ai luma-maota ma a’au, mai lava i nu’u nei e o’o atu i Leulumoega. “

Ui lava i lea, o lo’o silafia lelei e Tuala le tulaga vaivai o iai lo tatou malo i vaega mo’omia mo nei fa’atinoga uma ma leai fo’i ni tupe e fausia ai nisi tane aupito lelei atu.

Sa ia momoli le fa’afetai i le vaega tinei-mu sa feagai ma le taofiofia o le afi, ae maise fo’i o fa’amaisega mo le aiga o se tasi o le ‘aufaigaluega na maliu ai i lea fa’alavelave.  

I se fonotaga ma tusitala i le Aso Lua, na fa’aalia ai e le Pule-Fa’atonu o le Kamupani Suau’u o le Petroleum  & Products Supply (PPS), o Fanene Samau Sefo e fa’apea, e leai lava se mea e ono fa’apopoleina ai. 

“O tane nei sa fuafuaina lelei lo latou fausaga ina ia le-mafai ona fa’aleagaina e se afi,” o lana fa’aaliga lea. 

 “’Ou te talitonu o le ‘ave’ese o tagata mai le nofoaga lea, o tulaga masani lava ia mo le puipuiga o le saogalemu, ae mo le mu lava ia, e leai lava se taimi e ono sosolo ai i tua-atu o le tane le mu. O tane nei o lo’o si’omia-fa’ata’amilo e le sima-fa’apitoa ma afai e iai se suau’u e mama, e taofiofia lava i totonu e puipui-sima o le tane.”

LT
By Lanuola Tusani Tupufia,

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?