Ua faalautele le Tara Ice

O se pisinisi na te gaosia le suavai ma le aisa, o le Tara Ice Company ua faalautele ona apa’au.. I le taimi nei, ua mae’a ona tatala sona lālā lona lua i Vaitele, ina ia mafai ai ona auauna atu i ana paaga o i Upolu Sisifo ma vaega e taulalata ane i ai. 

O le nofoaga muamua o lea kamupani o loo i Vaivase-tai.

O lē ou lea pisinisi, o Henry Tiatala Faaolotoi, na faafetaia lona aiga aemaise ai lava o a latou paaga mo le latou lagolago faifai pea. 

O ia fuafuaga uma e mo le tuuina atu ia matou paaga o le auaunaga e sili ona lelei,” o lana faaaliga lea.

O lea kamupani o loo ta’oto i le fatu o Vaitele-uta, o le tau o le fale fou o le kamupani e $85,000.

 “O lona tatalaina o se vaega lea o la matou miti,” o lana faaaliga lea. “Matou te manana’o e tuuina atu le suavai e sili ona lelei i tagata ia o loo nofoa lenei itu o le atunuu. 

 “O le mea o loo matou tilotilo i ai o le tuuina atu lea ma le auina atu o le suavai taumafa e sili ona mamā mo Samoa.”

. Na mua’i faavae lea kamupani i le 2008.

“E o’o mai i le asŏ, o lea ua lua o matou nofoaga e tautua atu ai mo le atunuu, o Vaitele ma Vaivase-tai. “O lona uiga, ua mafai ona matou tuuina atu se auaunaga e sili ona lelei i aso uma ma se ituaiga faatuatuaina o taumafa ma soo se pea aisa e mana’omia.” 

“O le aisa lea matou te tuuina atu ua matua uma lelei ona su’esu’eina ma ua talafeagai ai ma tulafono faatonutonu uma tau le soifua maloloina ina ia mafai ona faamalieina ai mana’oga o a matou paaga.

“Matou te tuuina atu foi ituaiga uma o auaunaga, sauniga mai Aso Gafua e o’o i Aso Sa. “E mafai e la matou kamupani ona tuuina atu ma avatu aisa, pusa mo le suavai, toe utuina o le suavai ma Potu Malūlū e faaaoga ae totogi i soo se ofisa e le mo tagata lautele poo se ofisa mo tagata lautele i ni tau taugofie.”

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?